09:53, 23 - ماۋسىم 2019 | GMT +6
تارازدا كىتاپحاناشىسى جوق كىتاپحانا اشىلدى
تاراز. قازاقپارات - تاراز قالاسىندا كىتاپحاناشىسى جوق كىتاپحانا اشىلدى. وندا وقىرماندار وزىنە ۇناعان شىعارماسىن قاجەتتى قۇجاتسىز-اق الىپ، وقىپ، كەيىن قايتا تاپسىرا الادى، دەپ حابارلايدى قازاقپارات.
«جامبىل - ادالدىق الاڭى» جوباسى نەگىزىندە قولعا الىنعان باستاما شوقان ءۋاليحانوۆ اتىنداعى وبلىستىق امبەباپ عىلىمي كىتاپحانا جانىنان اشىلىپ وتىر.
باستى ماقسات - سىبايلاس جەمقورلىققا قارسى مادەنيەتتى قالىپتاستىرىپ، وقىرمان جاۋاپكەرشىلىگىن ارتتىرۋ.
جان ازىعىن سىيلايتىن وردادان كىتاپ سۇيەر قاۋىم 300 دەن استام ءتۇرلى جانرداعى شىعارمالاردى تابا الادى.
«ەشقانداي كىتاپحاناشىنىڭ كومەگىنسىز-اق كىتاپتى الىپ، ونى قايتادان ءوز ورنىنا اكەلىپ قويۋ قاجەت. ماقسات - ادال وقىرماندى، ادال بولاشاقتى قالىپتاستىرۋ. مىسالى مەن بۇگىن نارشا قاشاعان ۇلىنىڭ كىتابىن الدىم، ەشقانداي قۇجات تاپسىرعان جوقپىن»، - دەيدى قالا تۇرعىنى ارداق ساپيبۋللا.