پۋتين گرۋزيامەن ارادا اۋە قاتىناسى ارقىلى جولاۋشىلار تاسىمالداۋعا تىيىم سالدى
تىيىم 8- شىلدەدەن باستاپ كۇشىنە ەنەدى. بۇل تۋرالى كرەمل باسپا ءسوز قىزمەتىنە سىلتەمە جاساپ ت ا س س اگەنتتىگى حابارلادى.
«2019-جىلدىڭ 8- شىلدەسىنەن باستاپ رەسەيلىك اۋە كومپانيالارىنىڭ ازاماتتاردى رەسەي فەدەراتسياسىنىڭ اۋماعىنان گرۋزيا اۋماعىنا تاسىمالداۋىنا (سونىڭ ىشىندە كوممەرتسيالىق) ۋاقىتشا تىيىم سالىنادى»، - دەلىنگەن قۇجاتتا.
جارلىق ماتىنىندە تۋريستىك اگەنتتىكتەر مەن تۋروپەراتورلارىنا تىيىم كۇشىندە تۇرعان ۋاقىتتا ازاماتتارعا تۋريستىك ونىمدەردى ساتپاۋعا كەڭەس بەرىلگەن.
پۋتين ر ف ۇكىمەتىنە ۋاقىتشا گرۋزيادا جۇرگەن رەسەيلىك ازاماتتاردىڭ وتانىنا قايتۋ شارالارىن قاراستىرۋدى تاپسىردى. قۇجاتتا ايتىلعانداي، جارلىققا «رەسەي فەدەراتسياسىنىڭ ۇلتتىق قاۋىپسىزدىگىن، رەسەي فەدەراتسياسى ازاماتتارىن قىلمىستىق جانە باسقا دا قۇقىققا قايشى ارەكەتتەردەن قورعاۋ ماقساتىندا» قول قويىلعان.