13:22, 22 - ماۋسىم 2019 | GMT +6
ايالدامادا تۇرعان ادامدارعا جاي ءتۇسىپ، ۇشەۋى قازا تاپتى
نۇر-سۇلتان. قازاقپارات - ۋكراينادا جاي ءتۇسىپ، ءۇش ادام اجال قۇشتى.
بۇل تۋرالى Facebook-تەگى ءوزىنىڭ پاراقشاسىندا يۆانو-فرانكوۆسك وبلىسىنىڭ پوليتسياسى جازدى، دەپ حابارلايدى قازاقپارات.
بۇعان قوسا زارداپ شەككەن تاعى ەكى ادام اۋرۋحاناعا جاتقىزىلدى. جۇما كۇنى يۆانو- فرانكوۆسك وبلىسىنداعى بەنكوۆتسى ەلدى مەكەنى ماڭىنداعى اۆتوبۋس ايالداماسىندا تۇرعان ادامداردى نايزاعاي سوققان.
ءتارتىپ ساقشىلارىنىڭ ايتۋىنشا، قازا تاپقاندار بۇل اۋىلعا لۆوۆ وبلىسىنان كەلگەن.