نەگە مىسىرلىقتار شاتىرسىز ءۇي سالادى؟

نۇر-سۇلتان. قازاقپارات - مىسىرعا كەلەتىن تۋريستەردى كورىكتى جەرلەر ەمەس، مىسىردىڭ ەڭ قاراپايىم ۇيلەرى تاڭ قالدىرادى.

ولار - شاتىرسىز ۇيلەر. جەرگىلىكتى ادامدار ءۇشىن بۇل قالىپتى جايت جانە جىلدان جىلعا وسىنداي جاڭا ۇيلەر تۇرعىزىلۋدا.

شاتىرسىز ۇيدە ءومىر ءسۇرۋ وتە ىڭعايلى ەكەن. مىسىردىڭ كليماتى ىستىق، قىسى جىلى، جاڭبىر وتە سيرەك جاۋادى. سوندىقتان ۇيگە شاتىر قاتتى قاجەت ەمەس. مۇنداي ۇيلەردە تۇراتىن مىسىرلىقتار سالقىن ۋاقىتتا كورپە جامىلىپ، ال شاتىر ورنىنداعى تەسىكتى بىرنارسەمەن جابادى. ءبىراق، بۇل كليماتقا عانا بايلانىستى ەمەس.

بۇرىن مىسىردا شاتىرى جوق ۇيلەر، ءتىپتى، باي اۋدانداردا دا ءجيى كەزدەسەتىن. بۇگىندە بايلار كونديسيونەرگە قول جەتكىزگەندىكتەن، شاتىر ارقىلى جەلدەتۋ قاجەت بولماي قالدى. نەگىزىنەن شاتىرى جوق ۇيلەر كەدەي اۋدانداردا كوبىرەك، ونداي ۇيلەر، ءتىپتى، ەگيپەت استاناسى كايردە دە كەزدەسەدى. كەدەيلەردىڭ ۇيلەرى كوپ قاباتتى بولادى. ءبىراق ءىشى وتە رەتسىز كەلەدى. مىسىرلىقتار جىلجىمايتىن مۇلىك سالىعىن تولەمەس ءۇشىن شاتىر قويمايدى.

وسى ەلدىڭ زاڭىنا سايكەس، ەگەر ءۇيدىڭ شاتىرى بولماسا، ونىڭ يەسى وعان سالىق تولەۋگە ءتيىس ەمەس. مۇنىڭ تۇبىندە كوپ عاسىرلىق تاريحقا قاراعاندا اقشاعا بايلانعان وسىنداي قۋلىق جاتىر.