شىلدەدە قازاقستاننان جاپونياعا جاڭا اۋە رەيسى اشىلادى

نۇر- سۇلتان. قازاقپارات - نۇر- سۇلتان مەن ماسكەۋ ارالىعىندا اۋە رەستەرىنىڭ سانى ارتادى. بۇل تۋرالى پارلامەنت سەناتىندا كولىك- لوگيستيكالىق قىزمەتتەردى دامىتۋعا ارنالعان دوڭگەلەك ۇستەل وتىرىسىندا ق ر يندۋستريا جانە ينفراقۇرىلىمدىق دامۋ ۆيتسە- ءمينيسترى بەرىك كاماليەۆ ءمالىم ەتتى، دەپ حابارلايدى قازاقپارات ءتىلشىسى.

«ءبىز جاقىندا رەسەيدىڭ كولىك مينيسترلىگىمەن «نۇر- سۇلتان- ماسكەۋ» ارالىعىندا اۋە ساپارلارىنىڭ جيىلىگىن ارتتىرۋ بويىنشا ۋاعدالاستىققا قول جەتكىزدىك. ياعني، ءار تاراپتان اپتاسىنا 12 دەن 21 گە دەيىن كوبەيتۋ ەسكەرىلگەن. وسى ورايدا ەكىنشى تاسىمالداۋشى بەكىتىلدى. «ەير استانا» اپتاسىنا 14 رەيس، ال «سكات» 7 رەيستى ورىندايدى. وسى ارقىلى، كۇن سايىن اتالعان باعىتتا 6 رەيس قامتىلادى. بۇل شارالار بيلەت قۇنىن ارزانداتۋ ماقساتىندا ىسكە اسىرىلدى» ، - دەپ ءتۇسىندىردى كاماليەۆ.

 بۇدان بولەك ول جاڭا رەيستەر تۋرالى ايتىپ بەردى. «2019 -جىلدىڭ 2 - ماۋسىمىنان باستاپ «سكات» اۋە كومپانياسى «نۇر- سۇلتان - پراگا» باعىتىندا تۇراقتى رەيستەردى باستادى. سونىمەن قاتار، «نۇر- سۇلتان - ۇلانباتىر» ارالىعىندا رەيس اشىلدى. 6 - شىلدەدە «سكات» اۋە كومپانياسى مەملەكەتتىك قولداۋمەن جانە سۋبسيديالاۋمەن توكيوعا رەيستەر ۇشىرادى. سوندىقتان ۆيزا بولعان جاعدايدا وسى رەيستىڭ مۇمكىندىگىن پايدالانۋعا بولادى» ، - دەدى ۆيتسە- مينيستر.

ونىڭ سوزىنە قاراعاندا، بيىل كۇزدە شانحاي باعىتىندا رەيستى ىسكە قوسۋ جوسپارلانىپ وتىر.