قازاقستاندا دجەيسون بورن اگەنتى تۋرالى فيلم ءتۇسىرىلۋى مۇمكىن

نۇر- سۇلتان. قازاقپارات - مادەنيەت جانە سپورت ءمينيسترى اقتوتى رايىمقۇلوۆا قازاقستاندا دجەيسون بورن اگەنتى تۋرالى فيلمنىڭ ءتۇسىرىلۋى مۇمكىن ەكەندىگىن ايتتى، دەپ حابارلايدى قازاقپارات ءتىلشىسى.

 «بۇگىندە دجەيسون بورن اگەنتى («ترەدستوۋن» تەلەسەريالى) تۋرالى تريلوگيانىڭ پريكۆەلىن قازاقستاندا ءتۇسىرۋ مۇمكىندىگى تۋرالى NBS Universal مەن كەلىسسوزدەر ءجۇرىپ جاتىر. سونىمەن قاتار، ەلىمىزگە «Universal Pictures» وكىلدەرى مەن دجەي فۋتليك كەلىپ، «فورساج» فيلمىنىڭ ەپيزودتارىنا لوكاتسيانى زەرتتەۋ ءۇشىن جانە باسقا دا بايلانىستاردى تالقىلادى» ، - دەدى مينيستر بۇگىن حالىقپەن ەسەپتىك كەزدەسۋىندە.

 كينو سالاسىنداعى ساياسات تۋرالى ايتا كەلە، ستاتيستيكا بويىنشا، تەك وتكەن جىلى عانا قازاقستاندىق كارتينالاردى كورۋشىلەردىڭ سانى 30,5 پايىزعا ارتقانىن جەتكىزدى. سوڭعى ون جىل ىشىندە ۇلتتىق پروكاتتا قازاقستاندىق كارتينالاردىڭ ۇلەسى 10 ەسەگە ءوستى.

 «وسى كوكتەمنىڭ ەلەۋلى وقيعاسى - رەجيسسەر فارحات شاريپوۆتىڭ «ترەنينگ ليچنوستنوگو روستا» اتتى قازاقستاندىق كارتيناسى 41- ماسكەۋ حالىقارالىق كينوفەستيۆالىندەگى جارقىن جەڭىسى بولدى! بۇل الەمدەگى بەدەلدى جانە ايگىلى فەستيۆالدەردىڭ ءبىرى. گران- پريگە يە بولعان ءبىزدىڭ قازاقستاندىق رەجيسسەرىمىزدى اكيرا كۋراساۆا، فەدەريكو فەلليني، دجوردج دانەليا، سەرگەي بوندارچۋك، كريشتوف زانۋسسي سياقتى الەم رەجيسسەرلەرىمەن قاتارلاس قويدى» ، - دەدى ا. رايىمقۇلوۆا.