پولشا پرەزيدەنتى دەپورتاتسيالانعان پولياكتاردى قۇتقارعان قازاقستاندىق قاريانى ماراپاتتادى
مەدال پولشالىقتارعا كۇردەلى كەزەڭدەردە كومەكتەسكەن ازاماتتارعا بەرىلەدى. ت. ابدىكارىموۆ ونىڭ العاشقى يەگەرى اتاندى، دەپ حابارلايدى قازاقپارات ءتىلشىسى. پولشا پرەزيدەنتى كەڭسەسىنىڭ اقپاراتىنا سايكەس، «Virtus et Fraternitas» مەدالىمەن «ⅩⅩعاسىردا توتاليتارلىق جۇيە قۇرباندارى» بولعان پولياكتارعا كومەك قولىن سوزعان ازاماتتار ماراپاتتالادى. ونى پولشا رەسپۋبليكاسىنىڭ پرەزيدەنتى العىس رەتىندە «ادامدىق قاسيەتتى قورعاۋدا جانقيارلىق قايسارلىعى مەن ادامدىعى» ءۇشىن تابىس ەتەدى. پولشا تاريحىندا العاش رەت وتكىزىلگەن ماراپاتتاۋ ءراسىمى ۆارشاۆاداعى پولياك تەاترىندا ءوتتى. شاراعا پولشا سەيمىنىڭ سپيكەرى مالگوجاتا گوسيەۆسكا، پرەمەر- ءمينيستردىڭ ورىنباسارى - مادەنيەت جانە ۇلتتىق مۇرا ءمينيسترى پەتر گلينسكي، مينيسترلەر كابينەتىنىڭ ديپلوماتيالىق كورپۋسىنىڭ وكىلدەرى، سونىڭ ىشىندە قازاقستاننىڭ پولشاداعى ەلشىسى مارعۇلان بايمۇحان قاتىستى.
«كەيبىرەۋلەر ون جىل بۇرىن بولعان بەلگىلى ءبىر وقيعالاردى ەسكە الۋ دۇرىس ەمەس دەپ ەسەپتەيدى. ءبىراق بۇل وقيعالاردى جادىندا ساقتاپ، ول تۋرالى باتىل ايتا الاتىن ازاماتتار بارشىلىق. وسىنىڭ بارلىعى ءۇشىن بۇگىن پولشانىڭ اتىنان سىزدەرگە العىسىمدى بىلدىرەمىن. سىزگە بۇل سىيلىقتاردى تاپسىرۋ - مەن ءۇشىن ۇلكەن مارتەبە. بۇل، ەڭ الدىمەن، پولياك مەملەكەتى تاراپىنان ەستەلىك پەن العىس ءبىلدىرۋ ەكەنىن اتاپ وتكىم كەلەدى» ، - دەدى سالتاناتتى شاراعا قاتىسقان پرەزيدەنت اندجەي دۋدا.
وسىلايشا، 14 ادام مەدال يەگەرى اتاندى. ولاردىڭ ەكەۋىنىڭ عانا كوزى ءتىرى. ءبىرىنشىسى - قازاقستانعا جەر اۋدارىلعان پولياكتى قۇتقارعان تاسىباي ابدىكارىموۆ. ول قازىرگى ۋاقىتتا قازاقستانعا دەپورتاتسيالانعان پولياكتاردىڭ زيراتتارىن كۇتىپ، كۇزەتەدى. ەكىنشىسى - ولەكساندرا ۆاسەيكو. ول ۆولىنداعى پولياك قۇرباندارى تۋرالى ەستەلىكتى ساقتاپ، پولياك زەرتتەۋشىلەرىنە جەرلەنگەندەردى ىزدەۋگە كومەكتەسىپ ءجۇر. قازاقستاننىڭ پولشاداعى ەلشىلىگىنەن حابارلاعانداي، تاسىباي ابدىكارىموۆ تۇركىستان وبلىسى ماقتاارال اۋدانىندا تۇرادى. توعىز بالانىڭ اكەسى، نەمەرەلەرى مەن شوبەرەلەرى بار. ونىمەن بىرگە ساحناعا پولياك ۆالەنتين يابلونسكيي كوتەرىلدى. ءدال وسى يابلونسكيي وتباسىنا تاسىباي ابدىكارىموۆ جەر اۋدارىلعان جىلدارى قولداۋ ءبىلدىرىپ، كومەكتەسكەن. سالتاناتتى ءراسىم الدىندا تاعدىر بايلانىستىرعان قازاق جانە پولياك وتباسىلارى ق ر ەلشىلىگىندە كەزدەسىپ، ەستەلىكتەرىمەن بولىسكەن ەدى. جەر اۋدارىلعان جانە قۋدالانعان پولياكتاردىڭ تاريحىن زەرتتەيتىن پيليتسكي ينستيتۋتىنىڭ دەرەكتەرى بويىنشا، ەكىنشى دۇنيەجۇزىلىك سوعىستان كەيىن س س س ر بيلىگى پولشا اۋماعىنان شىعىسقا 35 مىڭعا جۋىق پولياكتى ايداعان. 1952 -جىلدىڭ ساۋىرىندە سوڭعى ءىرى جەر اۋدارۋ جۇرگىزىلىپ، ءماجبۇرلى قونىس اۋدارۋشىلار قازاقستاننىڭ وڭتۇستىگىندەگى اۋداندارعا جەتكىزىلدى.
