ەلوردادان شىققان «كيەلى قازاقستان» كوپ كۇندىك ەكسپەديتسياسى اتقا دا ءمىنىپ ساپارلايدى
بۇل جولعى شارانىڭ ەرەكشەلىگى - قاتىسۋشىلار تەك جەڭىل اۆتوكولىكپەن ەمەس، اتقا دا ءمىنىپ ساپارلايدى، دەپ حابارلايدى قازاقپارات ءتىلشىسى.
وسىعان وراي ۇيىمداستىرىلعان باسپا ءسوز ءماسليحاتىندا «Kazakh Tourism» ۇ ك» ا ق ءتوراعاسىنىڭ ورىنباسارى ءسادۋاقاسوۆ قايرات كاسىبي ماماندار ون كۇن ىشىندە اقمولا، قاراعاندى، پاۆلودار وبلىستارى مەن بۇيراتاۋ، باياناۋىل ۇلتتىق پاركتەرىن ءجۇرىپ وتەتىندىگىن ايتتى. سالت اتتىلار تاۋلىگىنە 50-60 شاقىرىمدى ەڭسەرىپ، جاقىن ماڭداعى اۋىلداردا لاگەر قۇرماق. «اتبەگىلىك قازاقستان ءتۋريزمىن جاڭا باعىتقا قاراي بۇرادى دەپ ەسەپتەيمىن. الماتى وبلىسىندا كولساي كولدەرى، كەتمەنە، اسسى ايماقتارىنداعى باعىتتار تۋريستەردىڭ سۇرانىسىنا يە. ءدال وسىنداي مارشرۋتتاردى اقمولا، قاراعاندى، پاۆلودار وبلىستارىندا جۇزەگە اسىرۋ قولعا الىنىپ وتىر» ، - دەدى ول.
ەكسپەديتسيانىڭ سوڭعى نۇكتەسى باياناۋىل ۇلتتىق پاركىنىڭ اۋماعىندا ورنالاسقان جاسىباي كولىندە 29 - ماۋسىمعا جوسپارلانعان. جالپى، بۇل جوبا «رۋحاني جاڭعىرۋ» باعدارلاماسىن ىسكە اسىرۋعا ەلەۋلى ۇلەس قوسادى. سونداي- اق، ەلباسىنىڭ «ۇلى دالانىڭ جەتى قىرى» ماقالاسىندا ايتىلعان اتقا ءمىنۋ مادەنيەتىن جاڭعىرتۋ باستاماسىمەن ۇشتاسىپ جاتىر. «ەكسپەديتسيانىڭ ماقساتى - اتتى ءتۋريزمدى دامىتۋعا جاڭا تۋريستىك باعىتتاردى جاساۋ جانە تۋعان جەرىمىزدى زەرتتەۋ. وعان قوسا، ەكسپەديتسيا تۋرالى ماتەريالدار قازاقستاننىڭ تۋريستىك دەستيناتسيا رەتىندە تانىلۋىنا جانە حالىقتى ىشكى تۋريزمگە تارتۋعا ىقپال ەتەدى. ەكسپەديتسيا ناتيجەسىندە ەلىمىزدىڭ تابيعي نىساندارى بويىنشا جاڭا تۋريستىك باعىتتار، ساپالى فوتو- جانە ۆيدەوبانكتەر قۇرىلادى. ولاردىڭ قازىرگى جاعدايى تۋرالى وزەكتى اقپارات الىنادى، يلليۋستراتسيالانعان جولنۇسقا جاسالاتىن بولادى» ، - دەيدى «QazaqGeography» ر ق ب عىلىمي جانە ەكسپەديتسيا قىزمەتى بويىنشا دەپارتامەنت ديرەكتورى نۇرجان العاشوۆ.
ايتا كەتەرلىگى، ق ر مادەنيەت جانە سپورت مينيسترلىگى تۋريزم يندۋسترياسى كوميتەتىنىڭ باستاماسىمەن قولعا الىنىپ وتىرعان ەكسپەديتسيانى «Kazakh Tourism» ۇلتتىق كومپانياسى ۇيىمداستىرسا، «QazaqGeography» رەسپۋبليكالىق قوعامدىق بىرلەستىگى ونىڭ باعدارىن جاساپ، وتكىزەدى.
ەكسپەديتسيانىڭ تولىق ءجۇرىپ وتەتىن مارشرۋتى: نۇر- سۇلتان قالاسى - پريرەچنوە اۋىلى - قاراعايلى ارحەولوگيالىق كەشەنى - سوكولينىە گورى (بۇيراتاۋ ۇتپ) - بالىقتى اۋىلى - العاباس اۋىلى - بەلودىموۆسكي كوردون، قارااعاش (بۇيراتاۋ ۇتپ) - الكەي مارعۇلان اۋىلى - قارابۇلاق اۋىلى - تەڭدىك اۋىلى- سەمىزبۇعا اۋىلى - شالقار اۋىلى - ماۆزولەي بۇحار جىراۋ - جاڭاتىلەك اۋىلى - ەگىندىبۇلاق اۋىلى - باياناۋىل - جاسىباي كولى (گنپپ باياناۋىل ۇتپ) - نۇر- سۇلتان قالاسى.