ارالاس جەكپە- جەك شەبەرى جۇمابەك تۇرسىن ۇلى قازاقستان نامىسىن قورعايدى
«تيان- شان بارىسى» لاقاپ اتىمەن حالقارالىق م م ا باسەكەلەرىندە ونەر كورسەتىپ جۇرگەن قانداسىمىز، 22- ماۋسىم كۇنى بەيجىڭ قالاسىندا وتەتىن «Kunlun Fight» م م ا كەشىندە ونەر كورسەتەدى. سپورتشىنىڭ باپكەرى الماس تۇراروۆتىڭ ايتۋىنشا، جۇمابەك جاقىندا عانا قازاقستان ازاماتتىعىن العان. ەندى ول تاريحي وتانى اتىنان جارىسقا شىقپاق. ونىڭ قارسىلاسى قىتايلىق سپورتشى ياو حوڭگاڭ.
«جۇمابەك قارسىلاسىن وسىدان 10 جىل بۇرىن ەكى رەت جەڭىپ، چەمپيون اتانعان بولاتىن. بۇل جولى ول قارسىلاسىنىڭ ءۇشىنشى جەكپە- جەككە شاقىرۋىن قابىل الدى. جۇمابەك- ياو حوڭگاڭ ايقاسى كەشتىڭ باستى جەكپە- جەگى بولماق» - ، دەيدى باپكەر قازاقپارات تىلشىسىنە.
ايتا كەتەيىك، جۇمابەك تۇرسىن قىتايدا تۋعان ۇلتى قازاق م م ا سپورت شەبەرى. ول 2005 -جىلى سپورتتىق مانسابىن كۇرەستەن باستاپ، 2009 -جىلى م م ا- عا اۋىستى. وسىدان كەيىن، قانداسىمىز 5 جىلدا 15 جەكپە- جەكتىڭ بارلىعىندا جەڭىسكە جەتتى. ال 2014 -جىلى جۇمابەك UFC- دە 3 جەكپە- جەك وتكىزىپ، وكىنىشكە وراي بارلىعىندا جەڭىلىپ قالعان بولاتىن.
اۆتور: مۇحتار قاليموللا ۇلى