15:55, 20 - ماۋسىم 2019 | GMT +6
قاسىم-جومارت توقايەۆ يزرايل پرەمەرىمەن سويلەستى
نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ ءيزرايلدىڭ پرەمەر- ءمينيسترى بينيامين نەتانياحۋمەن تەلەفون ارقىلى سويلەستى.
بۇل تۋرالى اقوردانىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات.
اڭگىمەلەسۋ بارىسىندا بينيامين نەتانياحۋ قاسىم-جومارت توقايەۆتى قازاقستان پرەزيدەنتى قىزمەتىنە كىرىسۋىمەن قۇتتىقتاپ، ەل يگىلىگى جولىندا تابىس تىلەدى.
ەكى ەلدىڭ باسشىلارى ەكىجاقتى قاتىناستاردىڭ وزەكتى ماسەلەلەرى جونىندە پىكىر الماسىپ، قورعانىس تەحنولوگياسى سالاسىنداعى ىنتىماقتاستىق ءۇشىن جاقسى مۇمكىندىكتەردىڭ بار ەكەنىن ايتتى.
قاسىم-جومارت توقايەۆ يزرايل پرەمەر- ءمينيسترىنىڭ 2016 -جىلعى قازاقستانعا جاساعان ساپارىنىڭ تابىستى بولعانىنا توقتالىپ، جوعارى دەڭگەيدەگى بايلانىستاردى جالعاستىرۋدىڭ ماڭىزدىلىعىن اتاپ ءوتتى.