14:57, 20 - ماۋسىم 2019 | GMT +6
اقمولاداعى ۇشاق اپاتى: زارداپ شەككەندەردىڭ جاعدايى اۋىر
كوكشەتاۋ. قازاقپارات - دارىگەرلەر اقمولا وبلىسىندا ان-2 ۇشاعىنىڭ اپاتقا ۇشىراۋىنان زارداپ شەككەندەردىڭ جاعدايى تۋرالى ايتتى، دەپ حابارلايدى قازاقپارات ءتىلشىسى.
«زارداپ شەككەندەردىڭ بىرەۋى اشىق مي-باس سۇيەك جاراقاتىمەن نۇر-سۇلتان قالاسىنىڭ تەمىرجول اۋرحاناسىنا جەتكىزىلدى، ال ەكىنشى زارداپ شەگۋشى اشىق مي-باس سۇيەك جاراقاتىمەن جانە كۇيىكپەن ەلوردانىڭ تراۆموتولوگيا جانە ورتوپەديا عىلىمي-زەرتتەۋ ينستيتۋتىنا جاتقىزىلدى»، - دەپ ءتۇسىندىردى اقمولا وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى.
ەسكە سالا كەتەيىك، بۇگىن اقمولا وبلىسىندا ان-2 ۇشاعى اپاتقا ۇشىرادى. سالدارىنان ۇشقىش كوز جۇمىپ، ەكى ەكيپاج مۇشەسى ءتۇرلى جاراقاتپەن اۋرۋحاناعا جەتكىزىلدى.
ق ر يندۋستريا جانە ينفراقۇرىلىمدىق دامۋ ءمينيسترىنىڭ كەڭەسشىسى رۋسلان يمانقۇلوۆ اپاتتىڭ سەبەبى انىقتالىپ جاتانىن اتاپ ءوتتى. ارنايى كوميسسيا قۇرىلىپ، تەرگەۋ ءجۇرىپ جاتىر.