13:41, 20 - ماۋسىم 2019 | GMT +6
قاسىم-جومارت توقايەۆ ۇ ب ت تاپسىرۋشى تۇلەكتەرگە ساتتىلىك تىلەدى
نۇر-سۇلتان. قازاقپارات - قازاقستان پرەزيدەنتى قاسىم-جومارت توقايەۆ ۇ ب ت تاپسىرۋشى تۇلەكتەرگە ساتتىلىك تىلەدى.
ءوزىنىڭ تۇلەكتەرگە لەبىزىن مەملەكەت باسشىسى twitter- دەگى پاراقشاسى ارقىلى جەتكىزدى، دەپ حابارلايدى قازاقپارات.
«بۇگىن ەلىمىزدە ۇلتتىق ءبىرىڭعاي تەستىلەۋ باستالدى. جاۋاپتى مەملەكەتتىك ورگاندارعا ونى زاڭعا سايكەس وتكىزۋدى، ۇ ب ت- عا قاتىسۋشىلاردىڭ قاۋىپسىزدىگىن قامتاماسىز ەتۋدى تاپسىردىم. تۇلەكتەرگە ساتتىلىك تىلەيمىن!»، - دەدى پرەزيدەنت.
ايتا كەتەيىك، قازاقستاندا بۇگىن 13 مىڭ تۇلەك ۇ ب ت تاپسىرىپ جاتىر. «رەسپۋبليكا بويىنشا بۇگىن بارلىعى 13 مىڭ بالا ۇ ب ت تاپسىرىپ جاتىر. بۇل - ءبىرىنشى لەك. جالپى 9 كۇن تاپسىرامىز دەپ جوسپارلاپ وتىرمىز. ۇ ب ت- نى بارلىعى 117242 تۇلەك تاپسىرادى»، - دەدى ق ر ءبىلىم جانە عىلىم ءمينيسترى اسحات ايماعانبەتوۆ.