ات سپورتىنان جاس وسپىرىمدەر چەمپيوناتى وتەدى
ۇلتتىق سپورت قاۋىمداستىعى حابارلاعانداي، جاس وسپىرىمدەر چەمپيوناتى مادەنيەت جانە سپورت مينيسترلىگىنىڭ جىلدىق كۇنتىزبەلىك جوسپارىنا سايكەس ۇلتتىق سپورت قاۋىمداستىعىنىڭ ۇيىمداستىرۋىمەن جانە الماتى وبلىسى اكىمدىگىنىڭ قولداۋىمەن وتەدى.
چەمپيوناتقا 2001-2003-جىلدارى تۋعان جاس وسپىرىمدەر قاتىسادى.
كوكپار، اۋدارىسپاق، تەڭگە ىلۋدەن 8-رەت، جامبى اتۋدان 5 رەت ۇيىمداستىرىلاتىن جاس وسپىرىمدەر چەمپيوناتىنىڭ بيىلعى باسەكەسىنە بارلىق وبلىستان كوماندالار قاتىسادى دەپ جوسپارلانعان.
قازىرگى كەزدە الماتى قالاسىنىڭ ىرگەسىندەگى «بايسەركە» يپپودرومىندا جاس وسپىرىمدەر چەمپيوناتىن وتكىزۋدىڭ سوڭعى دايارلىق جۇمىستارى قىزۋ ءجۇرىپ جاتىر.
ەسكە سالا كەتەيىك، بىلتىر جاس وسپىرىمدەر اراسىنداعى قازاقستان چەمپيوناتى كوكشەتاۋ قالاسىنداعى «قۇلاگەر» يپپودرومىندا وتكەن بولاتىن.
تامىز ايىندا تۋ كوتەرگەن ەلىشىلىك باسەكەدە الماتى قالاسى، اقمولا، تۇركىستان، جامبىل، اقتوبە، قىزىلوردا، سولتۇستىك قازاقستان، باتىس قازاقستان، الماتى وبلىستارىنىڭ جاس وسپىرىمدەرى باق سىنادى.
كوكپار سپورتى بويىنشا تۇركىستان وبلىسىنىڭ كومانداسى باس جۇلدەنى تالاسسىز جەڭىپ الدى. كۇمىس جۇلدە جامبىل وبلىسىنىڭ، قولا جۇلدە اقتوبە ءوڭىرىنىڭ كوكپارشىلارىنا بۇيىرعان ەدى. اۆتور: كۇنسۇلتان وتارباي