الاكول جاعالاۋى جاڭا ماۋسىمعا دايىن
ونى دامىتۋعا 5 ميلليارد تەڭگە قاراستىرىلدى. تۋريستەردىڭ ىڭعايلىلىعى ءۇشىن جولدار جوندەلىپ، جاعاسى كەڭەيتىلىپ اباتتاندىرىلىپ وتىر. بيىل وسى ايماققا شامامەن ءبىر ميلليونعا جۋىق تۋريست كەلەدى دەپ جوسپارلانعان. سوڭعى جىلدارى الاكول جاعالاۋى تۇرلەنىپ شىعا كەلدى. ونى اباتتاندىرۋعا 5 ميلليارد تەڭگە جۇمسالدى. بۇعان قوسا، تۋريستىك ايماقتىڭ الداعى ءتورت جىلدىق كەشەندى دامىتۋ جوسپارى جاسالدى. بۇل ماقساتقا 30 ميلليارد تەڭگە باعىتتاۋ جوسپارلانعان.
ديدار حاميتوۆ، ءۇرجار اۋدانى اكىمىنىڭ ورىنباسارى:
- الاكول كولى ەلىمىزدەگى اسا ماڭىزدى نىسانداردىڭ الدىڭعى وندىعىنا كىرىپ، ىشكى تۋريزمدى دامىتاتىن نىسانداردىڭ ءبىرى سانالادى. ءۇرجاردىڭ اۋەجايىن 2500 مەترگە دەيىن ۇزارتۋ جوسپارلانىپ وتىر. سونىمەن قاتار بيىل الاكولگە ينتەرنەت جەلىسى تارتىلادى. جاڭا تۋريستىك ماۋسىمعا وراي تەمىرجول تاسىمالى رەيستەرى ۇلعايتىلىپ، باقتى- تاسكەسكەن باعىتىنداعى اۆتوجول جوندەلەدى. جاعالاۋدى اباتتاندىرۋ ءىسى جالعاسادى. ودان قالدى ينۆەستورلارعا 60 گەكتار جەر بولىنەدى.
قازىر ەكى 4 جانە 3 جۇلدىزدى قوناقۇيلەر قۇرىلىسى راسىمدەلگەن. الاكولدە جالپى سانى 175 دەمالىس ءۇيى بار.
ريفكات يسايەۆ، تۋريستىك اقپارات ورتالىعىنىڭ باسشىسى:
- وسى تۋريستىك اقپارات ورتالىعىنا كەلگەن تۋريستەر الاكول جاعالاۋى بويىنشا جانە ءۇرجار اۋدانىنىڭ تۋريستىك وبەكتىلەرى بويىنشا تولىققاندى 24 ساعات مالىمەت الادى. مۇندا اۋەجايدىڭ ۇشۋ- قونۋ گرافيگى ورنالاسقان. اۆتوبۋستار، تەمىرجول گرافيكتەرى جانە باعالارى وسىندا كورسەتىلگەن. ەمدىك قاسيەتى بار سۋ قويماسى قازاقستاندىقتار مەن شەتەلدىك تۋريستەردىڭ قولايلى دەمالىس ورنىنا اينالعان. شيپاجاي اۋماعىندا وزىندىك اربات الاڭى، بىرنەشە ساياباق جانە مەيرامحانالار ورنالاسقان.
بوريس الشورازوۆ، دەمالىس ءۇيىنىڭ اكىمشىسى:
- ءوزىمىزدىڭ جەرىمىزدە دەمالعان دۇرىس. كۇللى الەمگە تانىمال اراسان- الاكول دەگەن شيپالى سۋ قويماسى بار. مۇندا وتە ىڭعايلى. دەمالۋشىلارعا سان ءتۇرلى قىزمەت كورسەتەمىز.
نۇرلان بۇقاتوۆ، تۋريست:
- العاش رەت 2014 -جىلى كەلدىك. ول كەزدەرى مۇنداي سەرۆيس بولعان جوق. بيىل ءبارى وزگەرىپ كەتىپتى. جاقسى، بىزگە ۇنادى.
بيىل الاكول جاعالاۋىنا كەلەتىن تۋريستەر سانى رەكوردتىق كورسەتكىشكە جەتپەك. بولجام بويىنشا شيپالى سۋ قويماسىندا ميلليونداعان ادام دەمالادى.
www.24.kz