ا ق ش پەن قىتاي ساۋدا كەلىسسوزىن قايتا جالعاستىرماق

نۇر-سۇلتان. قازاقپارات -  ا ق ش پەن قىتاي ساۋدا كەلىسسوزىن قايتا جالعاستىراتىن بولدى. بۇل تۋرالى پرەزيدەنت دونالد ترامپ مالىمدەدى.

ونىڭ ايتۋىنشا، ەكى ەل دەلەگاتسياسىنىڭ كەزدەسۋى بۇگىن باستالادى. ۆاشينگتون سونداي- اق قىتاي ءوز ۇستانىمىنا وزگەرىستەر ەنگىزۋ كەرەكتىگىن ايتادى.

 ەسكە سالا كەتەيىك، ا ق ش پەن قىتاي اراسىنداعى ساۋدا كەلىسسوزى مامىر ايىندا تىعىرىققا تىرەلگەن. وسىدان كەيىن پرەزيدەنت ترامپ قىتايلىق تاۋارلارعا سالىق مولشەرىن 10 پايىزدان 25 پروتسەنتكە ءوسىردى. بەيجىڭ ماۋسىمنىڭ 1-ىنەن باستاپ قۇراما شتاتتاردان يمپورتتالاتىن 5 مىڭ تاۋاردان الىم الاتىنىن جاريالادى. جانە دە ا ق ش- تىڭ قىسىمىمەن كۇرەسە بەرەتىنىن جەتكىزدى.

www.24.kz