باس پروكۋراتۋرا: پرەزيدەنت سايلاۋى قولدانىستاعى زاڭناما نورمالارىنا ساي وتكىزىلدى

نۇر-سۇلتان. قازاقپارات - قازاقستان رەسپۋبليكاسى پرەزيدەنتى سايلاۋى قولدانىستاعى زاڭناما نورمالارىنا ساي وتكىزىلدى. ق ر باس پروكۋراتۋراسى وسىنداي حابارلاما تاراتتى دەپ حابارلايدى قازاقپارات ءتىلشىسى.

«ەل پرەزيدەنتى سايلاۋىندا سايلاۋشىلاردىڭ تاڭداۋ ناتيجەسىنە كۇدىك كەلتىرەتىندەي بۇزۋشىلىققا جول بەرىلگەن جوق. ەلەكتورالدى كەزەڭدە پروكۋراتۋرا 36 ءىس قوزعاپ، اكىمشىلىك قۇقىق بۇزۋشىلىق باپتارى بويىنشا سوتقا جولدادى. ولاردىڭ 30 ى سوتتا قارالدى، ءالى 6 ۋى سوتتىڭ قاراۋىندا جاتىر»، - دەلىنگەن قاداعالاۋ ورگانىنىڭ حابارلاماسىندا.

باس پروكۋراتۋرانىڭ حابارلاۋىنشا، باسقا ادامنىڭ اتىنان داۋىس بەرۋ مۇمكىندىگىن بەرۋ ماقساتىندا ازاماتتارعا بيۋللەتەن تاراتقانى ءۇشىن سايلاۋ كوميسسياسى ۋچاسكەلەرىنىڭ 11 مۇشەسى ق ر ا ق ب ت ك- ءتىڭ 110-بابى بويىنشا جاۋاپكەرشىلىككە تارتىلعان. ولاردىڭ بارىنە 25 ا ە ك كولەمىندە ايىپپۇل سالىنعان.

«9 سايلاۋشى ق ر ا ق ب ت ك- ءتىڭ 108-بابى بويىنشا - تەپە-تەڭ سايلاۋ قۇقىعى تالاپتارىن بۇزعانى ءۇشىن (ءبىر سايلاۋشى - ءبىر داۋىس - ءبىر بيۋللەتەن) جاۋاپكەرشىلىككە تارتىلدى.

كوبىندە ولار وتباسى مۇشەلەرى ءۇشىن بيۋللەتەن العان. ولار نۇر-سۇلتان مەن الماتى قالالارىنىڭ، الماتى، ش ق و، تۇركىستان وبلىستارىنىڭ تۇرعىنى. وسىنداي ءتورت ءىس جامبىل وبلىستىق مامانداندىرىلعان اكىمشىلىك سوتتىڭ قاراۋىندا جاتىر»، - دەلىنگەن حابارلامادا.

سونىمەن بىرگە، پروكۋراتۋرا ب ا ق بەتتەرى مەن الەۋمەتتىك جەلىلەردە بيۋللەتەندەردى كوپتەپ سالۋ مەن وزگە دە بۇزۋشىلىقتار بەينەلەنگەن ۆيدەوجازبالارعا تەكسەرۋ جۇرگىزۋدە. مالىمەتتەردىڭ كوبى راستالماعان.

«كوپتەگەن ۆيدەوجازبالاردا ۋچاسكە، اۋدان، قالا نەمەسە وبلىس، وقيعانىڭ قايدا ورىن العانى كورسەتىلمەگەندىكتەن بۇل باعىتتا جۇمىس ءالى جالعاسۋدا. زاڭسىز ارەكەتتەر انىقتالعان جاعدايدا تەكسەرۋ قورىتىندىسى نەگىزىندە كىنالى ادامداردى جاۋاپكەرشىلىككە تارتۋ ءۇشىن ءىس ماتەريالدارى سوتقا جولدانادى»، - دەپ حابارلايدى باس پروكۋراتۋرادان.