ەلوردا كوللەدجدەرىندە قاي ماماندىقتارعا تەگىن وقۋعا بولادى؟
قالالىق ءبىلىم باسقارماسىنىڭ مالىمەتىنشە، 2019-جىلى قالاداعى تەحنيكالىق جانە كاسىپتىك ءبىلىم بەرەتىن مەكەمەلەردە كۇندىزگى تەگىن وقۋعا 40 تان استام ماماندىق بويىنشا 4700 ورىنعا گرانت ءبولىنىپ، مەملەكەتتىك ءبىلىم بەرۋ تاپسىرىسى ورنالاستىرىلعان. 9-11- سىنىپ تۇلەكتەرى، وقۋعا تۇسپەگەندەر، جۇمىس ىزدەپ جۇرگەن ادامدار (جۇمىسپەن قامتۋ ورتالىعىنىڭ انىقتاماسى بولعان جاعدايدا)، ءومىردىڭ قيىندىعىنا ءتۇسىپ قالعان ازاماتتار مەن از قامتىلعان وتباسىلار مۇشەلەرى كوللەدجدەردە تەگىن وقۋ كونكۋرسىنا قاتىسا الادى. قاجەتتى قۇجاتتار قاتارىندا، ءوتىنىش، ءبىلىم تۋرالى قۇجاتتىڭ ءتۇپ نۇسقاسى، 3x4 سۋرەت، فليۋوروتاسپاسىمەن 086№-ۋ ۇلگىسىندەگى مەديتسينالىق انىقتاما بار. I- II توپ مۇگەدەكتەرى مەن بالا كەزىنەن مۇگەدەكتىككە شالدىققاندار مەديتسينالىق-الەۋمەتتىك ساراپتاما قورىتىندىسىن تاپسىرۋ كەرەك.
وقۋعا تۇسەتىن تۇلەكتىڭ جەكە قۇجاتىن اتا-اناسى نەمەسە زاڭدى وكىلى تاپسىرۋى ءتيىس.
2019-جىلى مەملەكەتتىك ءبىلىم بەرۋ تاپسىرىسى ورنالاستىرىلعان ماماندىقتار ءتىزىمى: قوناق ءۇي شارۋاشىلىقتارىنىڭ قىزمەتىن ۇيىمداستىرۋ. اۋدارما ءىسى (تۇرلەر بويىنشا). تۋريزم (سالالار بويىنشا). ديزاين (باعدار بويىنشا). تاماقتاندىرۋدى ۇيىمداستىرۋ. عيماراتتار مەن قۇرىلىستاردى سالۋ (سۋ قۇبىرى جەلىلەرىنىڭ سمەتاسىن جاساۋشى). ىشكى سانيتارلىق-تەحنيكالىق قۇرىلعالارىن، جەلدەتۋ جانە ينجەنەرلىك جۇيەلەردى (تۇرلەر بويىنشا) مونتاجداۋ مەن پايدالانۋ.
ينتەرەر ديزاينى، ازاماتتىق عيماراتتاردى قالپىنا كەلتىرۋ، قايتادان سالۋ. تەمىرجول قۇرىلىسى، جول مەن جول شارۋاشىلىعى. تىگىن ءوندىرىسى، كيىم ۇلگىلەرىن جاساۋ. ناۋبايحانا، ماكارون مەن كونديتەر ءوندىرىسى. تاماقتاندىرۋ كاسىپورىندارى ونىمدەرىن ءوندىرۋ تەحنولوگياسى مەن جۇمىسىن ۇيىمداستىرۋ. تاماق ونەركاسىبى كاسىپورىندارىنىڭ جابدىقتارى. مەديتسينالىق تەحنيكانى مونتاجداۋ، تەحنيكالىق قىزمەت كورسەتۋ جانە جوندەۋ. جول قوزعالىسىن ۇيىمداستىرۋ. شاشتاراز ونەرى مەن دەكوراتيۆتى كوسمەتيكا. ەمدەۋ ءىسى. مەدبيكەلىك ءىس. باستاۋىش ءبىلىم. مەكتەپالدى ءبىلىم مەن وقىتۋ. دەنە شىنىقتىرۋ مەن سپورت. نەگىزگى ورتا ءبىلىم. مۋزىكالىق ءبىلىم. ماركەتينگ. كوتەرگىش-كولىكتىك، قۇرىلىس، جول سالۋ ماشينالارى مەن قوندىرعىلارىن تەحنيكالىق پايدالانۋ (سالالار بويىنشا).
كولىكپەن تاسىمالداۋدى جانە كولىك قوزعالىسىن باسقارۋدى ۇيىمداستىرۋ. اۆتوكولىكتەرگە تەحنيكالىق قىزمەت كورسەتۋ مەن جوندەۋ. جول قۇرىلىسى ماشينالارىن تەحنيكالىق پايدالانۋ. دانەكەرلەۋ ءىسى (تۇرلەر بويىنشا). ليفت شارۋاشىلىعى مەن ەسكالاتورلار (تۇرلەر بويىنشا). جونۋ (توكارلىق) ءىس پەن مەتالدى وڭدەۋ (تۇرلەر بويىنشا). ورمان شارۋاشىلىعى، باۋ-باقشا، ساياباق پەن لاندشافتىق قۇرىلىس. ەسەپتەۋ تەحنيكاسى مەن باعدارلامالىق قامتىلىم (تۇرلەر بويىنشا): باعدارلاماشى، BIM- مەنەدجەر-جوبالاۋشى.
اقپاراتتىق جۇيەلەر (قولدانۋ سالالارى بويىنشا)، كومپيۋتەر جۇيەلەرىن ازىرلەۋشى مەن ساراپشى. ەلەكترمەن قامتاماسىز ەتۋ (سالالار بويىنشا). ەنەرگيالىق مەنەدجمەنت. راديوەلەكترونيكا مەن بايلانىس (تۇرلەر بويىنشا). اۆتوماتتاندىرىلعان بايلانىس جۇيەلەرىن پايدالانۋ.
ەلەكتر ستانسالارى مەن جەلىلەرىنىڭ جابدىقتارى. ەلەكترمەن قامتاماسىز ەتۋ، تەمىر جولدارعا تەحنيكالىق قىزمەت كورسەتۋ مەن ونىڭ ەلەكتروتەحنيكالىق جۇيەلەرىن جوندەۋ، ونى پايدالانۋ. جيھاز ءوندىرىسى (تۇرلەر بويىنشا). گازبەن قامتاماسىز ەتۋ قوندىرعىلارى مەن جۇيەلەرىن مونتاجداۋ، گازدى پايدالانۋ. ەت پەن ەت ونىمدەرىن ءوندىرۋ. لوگيستيكا (سالالار بويىنشا).
قاي ماماندىقتارعا ەڭ كوپ گرانت ءبولىندى؟
ەڭ كوپ ورىن «ەسەپتەۋ تەحنيكاسى مەن باعدارلامالىق قامتىلىم» ماماندىعىنا ءبولىندى - 200 ورىن. ودان كەيىن «تاماقتاندىرۋدى ۇيىمداستىرۋ» - 150 ورىن؛ «دانەكەرلەۋ ءىسى» جانە «ليفت شارۋاشىلىعى مەن ەسكالاتورلار» - 100 ورىننان؛ «ەلەكترمەن قامتاماسىز ەتۋ، پايدالانۋ، تەحنيكالىق قىزمەت كورسەتۋ مەن جوندەۋ» - 75؛ «تىگىن ءوندىرىسى، كيىم ۇلگىلەرىن جاساۋ»، «ناۋبايحانا، ماكارون مەن كونديتەر ءوندىرىسى»، «ماركەتينگ»، «اۆتوكولىكتەرگە تەحنيكالىق قىزمەت كورسەتۋ مەن جوندەۋ» - 50 ورىننان؛ «گازبەن قامتاماسىز ەتۋ قوندىرعىلارى مەن جۇيەلەرىن مونتاجداۋ، گازدى پايدالانۋ»، «ەت پەن ەت ونىمدەرىن ءوندىرۋ»، «شاشتاراز ونەرى مەن دەكوراتيۆتى كوسمەتيكا»، «جونۋ (توكارلىق) ءىس پەن مەتالدى وڭدەۋ» - 25 ورىننان ءبولىندى.