اۋا رايى: بەيسەنبىدە ەلىمىزدە كۇن رايى اشىق بولادى

نۇر-سۇلتان. قازاقپارات - سينوپتيكتەردىڭ بولجاۋىنشا بەيسەنبى كۇنى ەلىمىزدە كۇن رايى اشىق بولادى، دەپ حابارلايدى قازاقپارات قازگيدرومەتكە سىلتەمە جاساپ.

20- ماۋسىمدا ەلىمىزدىڭ باسىم بولىگى انتيتسيكلوننىڭ ىقپالىندا بولعاندىقتان كۇن رايى اشىق، تەك باتىستا جانە سولتۇستىك باتىستا اتموسفەرالىق اعىنداردىڭ وتۋىنە بايلانىستى، ازداعان جاڭبىر جاۋىپ، نايزاعاي جارقىلدايدى، جەل كۇشەيەدى.

سولتۇستىكتىڭ كەي جەرلەرىندە تۇمان تۇسەدى. سولتۇستىك قازاقستان وبلىسىنىڭ كەي جەرلەرىندە جەل 15-20 م/س كۇشەيىپ، كۇندىز كەي جەرلەردە داۋىل كۇتىلەدى.

الماتى، اقتوبە، كۇندىز جامبىل، قوستاناي وبلىستارىنىڭ كەي جەرلەرىندە جەل 15-22 م/س كۇشەيەدى.

اقمولا، پاۆلودار وبلىستارىندا تۇندە جانە تاڭەرتەڭ تۇمان كۇتىلەدى. اتىراۋ وبلىسىندا، ماڭعىستاۋ، باتىس قازاقستان وبلىستارنىڭ كەي جەرلەرىندە كۇندىز قاتتى ىستىق كۇتىلەدى.

ماڭعىستاۋ، اتىراۋ،  قىزىلوردا وبلىستارىندا، اقتوبە، باتىس قازاقستان، تۇركىستان، الماتى، قوستاناي وبلىستارىنىڭ كەي جەرلەرىندە جوعارى ءورت قاۋىپى ساقتالادى.