ۇ ب ت: بۇگىن مەملەكەتتىك گرانتتان ءۇمىتتى تۇلەكتەر سىناق تاپسىرۋدى باستايدى
بيىلدان باستاپ جوعارى وقۋ ورنىنا اقىلى نەگىزدە ءتۇسۋ ءۇشىن ۇ ب ت جىلىنا 4 رەت - قاڭتار، ناۋرىز، ماۋسىم، تامىز ايلارىندا وتكىزىلەدى. ال مەملەكەتتىك ءبىلىم گرانتىن الۋ ءۇشىن جاس تۇلەك ماۋسىم ايىندا وتەتىن ۇ ب ت- عا قاتىسۋى ءتيىس.
كەزەكتى تەستىلەۋ رەسپۋبليكا بويىنشا 1188 اۋديتوريادا وتەدى. وعان قاتىسۋعا 117242 ادام ءوتىنىش بەرگەن. ونىڭ 96 مىڭنان استامى - بيىلعى مەكتەپ تۇلەكتەرى (مەكتەپ بىتىرۋشىلەردىڭ %72) بولسا، 20 مىڭنان استامى - بيىل جانە وتكەن جىلدارى كوللەدج بەن شەتەلدىك ءبىلىم بەرۋ ۇيىمدارىن بىتىرگەندەر.
ءبىلىم جانە عىلىم مينيسترلىگىنىڭ حابارلاۋىنشا، ۇلتتىق ءبىرىڭعاي تەستىلەۋ فورماتى بيىل وزگەرگەن جوق. ياعني، تاپسىراتىن پاندەر، سۇراقتار، ۇپاي سانى جانە ۋاقىتى بۇرىنعى فورماتتا قالادى.
بارلىق اۋديتوريالار ۇيالى تەلەفون سيگنالدارىن وشىرەتىن قۇرالدارمەن جانە باقىلاۋ بەينەكامەرالارىمەن جابدىقتالعان. جەدەل اقپارات الماسۋ ءۇشىن مينيسترلىكتىڭ جانە ۇلتتىق تەستىلەۋ ورتالىعىنىڭ call-ورتالىقتارى تۇراقتى تۇردە جۇمىس ىستەيدى. ەرەكشە ءبىلىم بەرۋ قاجەتتىلىگى بار تۇلەكتەرگە جەكە اۋديتوريا، سونداي-اق ۇ ب ت شەڭبەرىندە تاپسىرىلاتىن پاندەردەن ساباق بەرمەيتىن كومەكشى، ىمداۋ ءتىلىن بىلەتىن مامان بەرىلەدى.
بۇل ءۇشىن تەستىلەۋگە قاتىساتىن تۇلەك دەنساۋلىعى تۋرالى انىقتامانى ۇسىنىپ، ءوتىنىش بەرۋى قاجەت. جالپى شەكتى بال كولەمى دە وزگەرمەگەن. تەك «پەداگوگيكالىق عىلىمدار» سالاسى بويىنشا شەكتى بال بارلىق جوعارى وقۋ ورىندارى ءۇشىن 50 بالدان 60 بالعا كوتەرىلدى.
بۇل - بولاشاق پەداگوگتاردى ساپالى ىرىكتەۋ ماقساتىندا جاسالعان شارا. ال ۇلتتىق جوعارى وقۋ ورىندارى ءۇشىن ۇبت ناتيجەسى كەمىندە 65 بال، «پەداگوگيكالىق عىلىمدار»، «اۋىل شارۋاشىلىعى جانە بيورەسۋرستار»، «ۆەتەريناريا» ءبىلىم سالالارى بويىنشا - كەمىندە 60 بال، باسقا ج و و- عا - كەمىندە 50 بال، «دەنساۋلىق ساقتاۋ جانە الەۋمەتتىك قامتاماسىز ەتۋ (مەديتسينا)» سالاسى بويىنشا - كەمىندە 65 بال، ونىڭ ىشىندە قازاقستان تاريحى، ماتەماتيكالىق ساۋاتتىلىق، وقۋ ساۋاتتىلىعى - وقۋ ءتىلى بويىنشا كەمىندە 5 بال جانە ءار بەيىندىك پاننەن كەمىندە 5 بال الۋى قاجەت.
ال، قىسقارتىلعان وقۋ مەرزىمىمەن وقۋعا ءتۇسۋشى كوللەدج تۇلەكتەرى ءبىلىم گرانتى كونكۋرسىنا قاتىسۋ ءۇشىن ۇ ب ت ناتيجەسى بويىنشا كەمىندە 25 بال، ونىڭ ىشىندە جالپى بەيىندىك ءپان بويىنشا - كەمىندە 5 بالدان جيناۋى ءتيىس.
تەستىلەۋ ناتيجەسى سول كۇنى ۇ ب ت تاپسىرۋ پۋنكتىلەرىندە جاريالانادى. ودان بولەك، مينيسترلىكتىڭ ۇلتتىق تەستىلەۋ ورتالىعىنىڭ سايتىندا دا ج س ن ءنومىرىن تەرۋ ارقىلى نەمەسە @edugovkz_bot تەلەگرام بوتى ارقىلى تەستىلەۋ ناتيجەسىن كورۋگە بولادى. سونداي-اق، مەكتەپ بىتىرۋشىلەرگە ۇ ب ت سەرتيفيكاتىمەن بىرگە ارنايى اقپاراتتىق پاراق بەرىلەدى.
اقپاراتتىق پاراق ارقىلى مەكتەپ تۇلەكتەرى ءوز ماماندىعى بويىنشا قانشا گرانت بارىن، قانداي شەكتى بالمەن گرانتقا تۇسۋگە بولاتىنىن بىلە الادى. بۇل تالاپكەرلەرگە بولاشاق ماماندىعىن دۇرىس جانە جيناعان بال دەڭگەيىنە سايكەس تاڭداۋعا مۇمكىندىك بەرەدى.
گرانت سانىنا كەلسەك، 2019-2020 وقۋ جىلىنا مەملەكەت 66556 گرانت ءبولىپ وتىر. ونىڭ 51085 ءى باكالاۆرياتقا، 13159 ءى - ماگيستراتۋراعا، 2312 ءى - دوكتورانتۋراعا (PhD) بەرىلەدى.