20:36, 19 - ماۋسىم 2019 | GMT +6
قازاقستان پرەزيدەنتى نۇرلان نىعماتۋلينگە ءبىرقاتار تاپسىرما بەردى
نۇر- سۇلتان. قازاقپارات - قازاقستان پرەزيدەنتى قاسىم- جومارت توقايەۆ ءماجىلىس ءتوراعاسى نۇرلان نىعماتۋليندى قابىلدادى، دەپ حابارلايدى اقوردا.
كەزدەسۋ بارىسىندا مەملەكەت باسشىسىنا ءماجىلىستىڭ قازىرگى جۇمىستارى، ناتيجەلەرى مەن زاڭ شىعارۋ جۇمىستارى، سونداي- اق، بيىل 23-24 - قىركۇيەكتە نۇر- سۇلتان قالاسىندا وتەتىن ەۋرازيا ەلدەرى پارلامەنتتەرى سپيكەرلەرىنىڭ IV كەڭەسىن وتكىزۋدىڭ دايىندىق بارىسى جونىندە باياندالدى. قاسىم- جومارت توقايەۆ ەلىمىزدەگى جۇرگىزىلىپ جاتقان رەفورمالاردى جانە زاڭ جوبالارىنىڭ ۋاقتىلى قابىلدانۋىن ساپالى ءارى زاڭدىق تۇرعىدان سۇيەمەلدەۋ قاجەتتىگىن ايتتى. كەزدەسۋ سوڭىندا قازاقستان پرەزيدەنتى ءبىرقاتار ناقتى تاپسىرما بەردى.