00:12, 20 - ماۋسىم 2019 | GMT +6
پيتون جىلانى الىپ قولتىراۋىندى تۇگەلدەي جۇتىپ قويدى
نۇر- سۇلتان. قازاقپارات - اۆستراليانىڭ كۆينسلەند شتاتىندا پيتون قولتىراۋىندى جەپ قويدى. بۇل ءساتتى ەر ادام سۋرەتكە ءتۇسىرىپ جاريالادى.
مارتين ميۋللەر يسا تاۋىنان ءتۇسىپ كەلە جاتىپ پيتون جىلانىنىڭ قولتىراۋىندى قالاي جەپ جاتقانىن كورەدى. جىرتقىشتىڭ ءولى قولتىراۋىندى جۇتىپ جاتقانىن بىرنەشە سۋرەتكە ءتۇسىرىپ الادى. سۋرەتتەن جىلاننىڭ جىرتقىشتى اسىقپاي جۇتقانى كورىنەدى.
ەر ادام سۋرەتتەردى GG Wildlife Rescue Inc پاراقشاسىنا جۇكتەدى. ونداعى قولدانۋشىلار پيتوندى سونداي قاشىقتىقتى تۇرىپ سۋرەتكە ءتۇسىرۋدىڭ قانشالىقتى قاۋىپسىز ەكەنىن سۇراپ جاتتى.
جەلى قولدانۋشىلارى پيتوننىڭ قولتىراۋىندى جەگەنىن كورىپ تاڭعالدى. GG Wildlife Rescue Inc قولدانۋشىسى ميشەل دجونس ۇيىندە ءۇي جانۋارى رەتىندە ەكى پيتوندى اسىراپ وتىرعانىن ايتتى. ايتۋىنشا، پيتوندار ۋلى ەمەس، ءبىراق كەز كەلگەن نارسەنى جۇتا الادى.