جاپونياعا قارجىلىق داعدارىس قاۋپى ءتونىپ تۇر
بۇعان دەنساۋلىق ساقتاۋ سالاسىنا جۇمسالاتىن شىعىنداردى قوسۋعا بولادى. جالپىعا بىردەي دەنساۋلىق ساقتاندىرۋ جۇيەسى جاپونيادا وسىدان شامامەن 60 جىل بۇرىن ەنگىزىلگەن. وعان سايكەس ەلدەگى بارلىق اۋرۋحانالاردا مەديتسينالىق قىزمەتتەرگە بىردەي باعا بەكىتىلگەن. مەملەكەت الەۋمەتتىك دارەجەسىنە قاراي ناۋقاستىڭ ەمى مەن دارىلەرگە جۇمساعان شىعىندارىنىڭ توقسان پروتسەنتىنە دەيىن وتەيدى. ءسويتىپ مۇنداعى ساپالى مەديتسينا حالىقتىڭ ءومىر جاسىن ۇزارتۋعا سەپ بولدى، ءبىراق مەملەكەتتى شىعىنعا باتىرعان.
يشي حيكارۋ، ونكولوگ، اۋرۋحانا يەسى:
- تەز ارادا شەشىلۋى ءتيىس ماسەلەلەر بار. مىسالى قاتەرلى ىسىكتى ەمدەۋگە ارنالعان دارىلەر وتە قىمبات. سول سەبەپتەن ونكولوگيالىق اۋرۋلاردى ەمدەۋدىڭ ءوزى بۇكىل جۇيەنى قۇلدىراتۋى مۇمكىن. وزىق قۇرال- جابدىقتار جانە زاماناۋي تاسىلدەمەلەرمەن ەمدەۋ مەملەكەت تاراپىنان قوماقتى قارجىنى تالاپ ەتەتىنىن ءتۇسىنۋ قاجەت. ءبىز ءتيىستى وزگەرىستەر ارقىلى عانا مەديتسينالىق ساقتاندىرۋ جۇيەسىن ساقتاپ قالا الامىز.