18:47, 19 - ماۋسىم 2019 | GMT +6
قازاقستاندا تۇڭعىش جۋرناليستەر اللەياسى اشىلادى
نۇر- سۇلتان. قازاقپارات - ەلىمىزدە تۇڭعىش رەت جۋرناليستەر اللەياسى اشىلماق، دەپ حابارلايدى قازاقپارات ءتىلشىسى.
«قازاقستاننىڭ ەشبىر وڭىرىندە جۋرناليستەرگە ارنالعان قۇجاتسىز ەركىن كىرەتىن «جاسىل بۇرىش» جوق. كاسىبي مەرەكە قارساڭىندا سول ولقىلىقتىڭ ورنى تولماق. بارلىق جۋرناليستەر قاۋىمىن وسى اللەيانىڭ اشىلۋىنا شاقىرامىز. ءوز قولدارىڭىزبەن اعاش ەگىپ، ەستەلىككە سۋرەتكە ءتۇسۋ مۇمكىندىگى بەرىلەدى. اللەيا ىشىندە ورىندىقتار قويىلادى. مۇنىڭ ءبارى باق قىزمەتكەرلەرىنىڭ كاسىبي مەرەكەسىنە وراي جاسالماق» ، - دەلىنگەن قازاقستان قۇرىلىسىشىلار وداعى تارتاتقان حابارلامادا.
اللەيانىڭ اشىلۋى 21-ماۋسىمعا جوسپارلانعان.