قىزىلوردادا جەرلەنگەن كورەيانىڭ حالىق قاھارمانىن وتانىنا جەتكىزۋ تالقىلانۋدا
1920 - جىلى قىتاي اۋماعىندا كورەيا تاۋەلسىزدىگى ءۇشىن كۇرەسكەن حون بوم دو اسكەرى جاپون وتريادىن تالقانداعان بولاتىن. بۇل ۇلت- ازاتتىق قوزعالىس تاريحىنداعى ەڭ ءىرى جەڭىستىڭ ءبىرى بولدى. 1937 - جىلى كەڭەس وداعىنىڭ بيلىگى قيىر شىعىستا تۇراتىن بارلىق كارىستەردى جەر اۋدارعان. وسىلاي حوم بوم دو قازاقستان جەرىنە تابان تىرەگەن ەدى.
قولباسشى 1943 -جىلى قىزىلوردا قالاسىندا دۇنيەدەن وزعان. مۇندا ونىڭ ەسىمىمەن كوشە اتالىپ، ەسكەرتكىش ورناتىلدى. بيىل ءساۋىر ايىندا وڭتۇستىك كورەيا پرەزيدەنتى مۋن چجە يننىڭ ەلىمىزگە ساپارى بارىسىندا تاۋەلسىزدىك ءۇشىن كۇرەسكەن ەكى قايراتكەر حۆان ۋن دەن جانە گە بون ۋ سۇيەكتەرى وتانىنا جەتكىزىلىپ، قايتا جەرلەنگەن بولاتىن. ەندى حون بوم دو سۇيەگىن ەلىنە قايتارۋ تۋرالى كەلىسسوزدەر ءجۇرىپ جاتىر. ءبىراق حالىق قاھارمانى پحەنياندا دۇنيەگە كەلگەندىكتەن، بۇعان سولتۇستىك كورەيا تاراپىنىڭ كەلىسىمى قاجەت.
ۆۋ ۆون سيك، كورەيا رەسپۋبليكاسى ۇلتتىق اسسامبلەياسىنىڭ دەپۋتاتى:
- پرەزيدەنت مۋن چجە ين قازاقستان پرەزيدەنتىمەن كەزدەسۋىندە قولباسشى حون بوم دو سۇيەگىن ساقتاۋ ماسەلەسىن جان- جاقتى تالقىلادى. قازاقستان ۇكىمەتى سولتۇستىك پەن وڭتۇستىك كورەيا اراسىنداعى كەلىسىم نەگىزىندە ءوز شەشىمىن قابىلدايتىنىن جەتكىزدى. الايدا بۇل كەلىسىمگە ءالى نۇكتە قويىلعان جوق. دەگەنمەن قازىر ەكى ەلدىڭ سىرتقى ىستەر مينيسترلەرى وسى ماسەلەنى تالقىلاپ جاتىر.
www.24.kz