مينيسترلىك قازاقستانداعى كيىكتەر سانىن اتادى
«قورعاۋدىڭ ەڭ ماڭىزى نىساندارىنىڭ ءبىرى كيىكتەر بولىپ وتىر. بۇل جابايى دالا بوكەنىنىڭ بىرەگەي ءتۇرى سانالادى. بۇگىنگى كۇنى قازاقستان رەسپۋبليكاسىنىڭ اۋماعىندا كيىكتەردىڭ الەمدىك پوپۋلياتسياسىنىڭ 95 پايىزى تىرشىلىك ەتەدى. 2019 -جىلعى جۇرگىزىلگەن ەسەپتەۋ قورىتىندىسىنا سايكەس، ولاردىڭ سانى 334 مىڭدى قۇرادى» ، - دەدى ەرلان نىسانبايەۆ.
ونىڭ ايتۋىنشا، 2015 -جىلى كيىكتەر جاپپاي قىرىلعاننان كەيىن جانۋارلاردىڭ ولىمىنە نە سەبەپ بولعاندىعىن انىقتاۋ جونىندەگى ارنايى جۇمىس توبى قۇرىلعان.
«جۇمىس قورىتىندىسى بويىنشا كيىك تۇقىمىنىڭ اۋرۋدان جاپپاي قىرىلۋىنا جول بەرمەۋ جونىندە ءىس- شارالار جوسپارى قابىلدانىپ، مۇددەلى مەملەكەتتىك ورگاندارمەن كەلىسىلدى. ودان كەيىن ول ءبىلىم جانە عىلىم مينيسترلىگى عىلىم جونىندەگى كوميتەتىنىڭ قاراۋىنا جىبەرىلدى. تاياۋ ۋاقىتتا ءبىز قارجى مينيسترلىگىنە اتالعان جوسپاردى قارجىلاندىرۋ ءۇشىن ۇسىنىس جىبەرەتىن بولامىز» ، - دەدى ۆيتسە- مينيستر.
ايتا كەتەيىك، 2018 -جىلى ەلىمىزدەگى كيىكتەردىڭ سانى 215100 بولعان ەدى.