13:10, 19 - ماۋسىم 2019 | GMT +6
مەملەكەت باسشىسى «ايبىن» اسكەري-پاتريوتتىق جاستار جيىنىنا قاتىسۋدا
قاراعاندى. قازاقپارات - ق ر پرەزيدەنتى - قارۋلى كۇشتەردىڭ جوعارعى باس قولباسشىسى قاسىم-جومارت توقايەۆ قاراعاندى وبلىسىندا ءوتىپ جاتقان «ايبىن» رەسپۋبليكالىق اسكەري-پاتريوتتىق جاستار جيىنىندا ءسوز سويلەدى.
بۇل تۋرالى اقوردانىڭ Twitter پاراقشاسىنا سىلتەمە جاساپ قازاقپارات حابارلايدى.
جيىندا قاسىم-جومارت توقايەۆ ساربازدارعا جالىندى تىلەگىن ارنادى.
«وتانىمىز - ماڭگىلىك ەلدىڭ بەدەلىن ارتتىرا بەرۋ - سەندەرگە ارتىلعان زور ءۇمىت. سوندىقتان، جاستارىمىز ۇلتتىق قۇندىلىقتارىمىزعا ادال بولىپ، قازاقستاننىڭ جەتىستىكتەرىن ەسەلەي بەرەدى دەپ مەن كامىل سەنەمىن»، - دەدى ق ر پرەزيدەنتى.
مەملەكەت باسشىسىنىڭ سوزىنشە، جاقسى داستۇرگە اينالعان «ايبىن» اسكەري-پاتريوتتىق جيىنى - وتانشىل جاستاردى ادال قىزمەت ەتۋگە، ەل قورعانى بولۋعا تاربيەلەيتىن بىرەگەي الاڭ.