الەمدەگى ەڭ قىمبات ويىنشىقتار

None
None
نۇر-سۇلتان. قازاقپارات - كوپشىلىك اتا-انا بالانىڭ اقىل-ويىن دامىتاتىن جانە فيزيكالىق تۇرعىدا جەتىلدىرەتىن ويىنشىقتار ساتىپ الۋعا قوماقتى قاراجات جۇمساۋدان ايانبايدى.

الايدا، ورتا داۋلەتتى ادامدار بايلاردىڭ ءوز بالالارىنىڭ ويىنشىقتارىنا قانداي قاراجات جۇمسايتىنىن ەلەستەتە المايدى.

استولات قۋىرشاق قامالى - $ 8,5 ميلليون

استولات قۋىرشاق قامالى 1974-1987 -جىلدار ارالىعىندا ەلەين ديل اتتى كولورادالىق مينياتيۋريستىڭ جوباسىمەن جاسالعان. رەسمي تۇردە 8,5 ميلليون دوللارعا باعالاندى. قامالدا 7 دەڭگەي، 29 بولمە بار. قامالدىڭ مىستان جاسالعان شاتىرى جانە اعاش قابىرعالارى بار. كەي قابىرعالار توپپەن كورۋ ءۇشىن اشىلۋى، سونداي-اق الىنۋى مۇمكىن. قامالدا كۇندىزگە جانە تۇنگە ارنالعان جارىقتاندىرۋ جۇيەسى بار. ول ۋاقىتقا بايلانىستى اۆتوماتتى تۇردە وزگەرىپ وتىرادى.

L'Oiseleur («قۇسبەگى») - $ 6,25 ميلليون

L'Oiseleur - فرانسۋز تىلىندە «قۇسبەگى» دەگەن ماعىنانى بەرەدى. ونىڭ بويى - 120 س م. قايتا ورلەۋ ءداۋىرىنىڭ كويلەگىن كيگەن «قۇسبەگى» فلەيتادا ويناي الادى. قولىندا سەمسەرى بار، ال يىعىندا ءوزى باپتايتىن قۇسى وتىر. ولار قاناتتارىن قاعىپ، ءتىپتى، ءان ايتا الادى.

Madame Alexander-دىڭ ەلويز قۋىرشاعى - $ 5 ميلليون

2000 -جىلى Madame Alexander كومپانياسى ديزاينەرلەر مەن الەمگە اتى تانىمال مودەلەرلەرمەن بىرلەسە وتىرىپ قولدان ەرەكشە بەس باربي جاسادى. ولار ءوز شەدەۆرىنە ەلويز دەگەن ات بەردى. قازىر بارلىق بەس ەلويز قۋىرشاعى جەكە كوللەكسيالاردا. ولار ءۇشىن 9 كاراتتىق بريلليانتتان جاسالعان اشەكەيدى گارري ۆينستوننىڭ ءوزى ۇسىنسا، توندى La Renta شەبەرلەرى تىككەن.

Lamborghini اۆتوموبيلىنىڭ مودەلى - $ 4,6 ميلليون

بۇل - نەمىس ينجەنەرى روبەرت گۋلپەن جاساعان Lamborghini Aventador LP 700-4 اۆتوموبيلىنىڭ ءدال كوشىرمەسى. الەمدەگى ەڭ قىمبات اۆتوكولىك مودەلى كومىرتەكتى تالشىقتان جاسالىپ، سىرتى تازا التىننىڭ جۇقا قاباتىمەن قاپتالعان. شاناقتىڭ قالعان بولىگى 25 ك گ قىمبات مەتالدان تۇرادى جانە 500 كيلوگرامدىق 22 كاراتتىق التىننىڭ بولىگى پايدالانىلعان.

شيمانسكيدان فۋتبول دوبى - $ 2,59 ميلليون

فۋتبولدان ءتورت جىلدا ءبىر رەت وتكىزىلەتىن الەم بىرىنشىلىگىنىڭ قۇرمەتىنە وڭتۇستىك افريكا زەرگەرى ياير شيمانسكي 2010 -جىلى ەسكى كلاسسيكالىق ۇلگىدەگى فۋتبول دوبىنىڭ تولىق ولشەمدى بريلليانت كوشىرمەسىن جاسادى. دوپتىڭ سالماعى 2 كيلوگرامم شاماسىندا. ول 2 ميلليون 600 مىڭ دوللارعا باعالاندى. زەرگەرلىك شەديەۆر جاساۋ ءۇشىن شەبەرگە جالپى سالماعى 3500 كارات 6620 اق جانە 2640 قارا وڭتۇستىك افريكالىق بريلليانت قاجەت بولعان.

Steiff-تەن تەددي قونجىعى - $2,1 ميلليون

الەمدەگى ەڭ قىمباتقا باعالانعان تەددي قونجىعىن 2000 -جىلى Steiff نەمىس كومپانياسى جاساپ شىعاردى. XX عاسىردىڭ باسىندا وسى كومپانيا جەر شارىنداعى العاشقى ويىنشىق قونجىقتى تىكتى دەگەن بولجام بار. الەمگە اتى تانىمال Louis Vuitton برەندىنىڭ ديزاينەرلەرى دايىنداعان قونجىق ەڭ قىمبات دەپ باعالاندى.

Golden Monopoly - $ 2 ميلليون

ەڭ قىمبات «مونوپوليانىڭ» باعاسى - 2 ميلليون دوللار. ونى سان-فرانسيسكولىق زەرگەر سيدني موبەل جاساعان. ويىن الاڭى 23 التىن كارتامەن بەزەندىرىلگەن، ال الاڭداعى 42 ورىن بريلليانتتان جاسالعان.

رۋبيك تەكشەسى - $ 1,5 ميلليون

بۇل - رۋبين مەن زۇبارجاتپەن بەزەندىرىلگەن 18 كاراتتىق التىننان جاسالعان ەڭ قىمبات رۋبيك تەكشەسى . جالپى ساتىلىم سانى بويىنشا، ويىنشىقتار اراسىندا رۋبيك تەكشەسى كوش باستاپ تۇر. بۇكىل الەم بويىنشا شامامەن 450 ميلليون رۋبيك تەكشەسى تەكشەلەرىنىڭ ءتۇپ نۇسقاسى مەن بالاما نۇسقاسى ساتىلعان.

تەربەلەتىن التىن جىلقى - $ 600 مىڭ

Ginza Tanaka زەرگەرلىك ءۇيى جاپونيا حانزاداسى اكيسينونىڭ وتباسىندا دۇنيەگە كەلگەن ۇلدىڭ قۇرمەتىنە وراي قۇرىلىسىنا 30 كيلوگرامم التىن جۇمسالعان تەربەلەتىن جىلقى جاسادى. الايدا، ويىنشىق ويناۋعا ىڭعايلى ەمەس. جىلقى كىشكەنتاي بالا ءۇشىن تىم اۋىر، سول سەبەپتى ونى ءبىر ورىننان ەكىنشى ورىنعا جىلجىتۋ ءۇشىن ۇلكەندەردىڭ كومەگى قاجەت.

Stefano Canturi Barbie نەمەسە Diamond Barbie - $302500

2010 -جىلى بەلگىلى ديزاينەر ستەفانو كانتۋري ءبىر عانا نۇسقادا باربي جاساپ شىعاردى. وسىدان سوڭ ول كوللەكتسيونەرلەر مەن وقۋشى قىزداردىڭ ارمانىنا اينالدى. ءبىرىنشى باربيگە قاراعاندا كەيىنگى سۇلۋدىڭ قولى مەن اياقتارى بۇگىلەدى. ءارى ادامدارعا ءتان ءارتۇرلى قالىپتارعا ەنە الادى.

bilim-all.kz


سوڭعى جاڭالىقتار