ەلوردا اكىمى كوپبالالى انالاردىڭ پروبلەماسىن قالاي شەشەتىنىن ايتتى

None
None
 نۇر-سۇلتان. قازاقپارات - ەلوردانىڭ جاڭا اكىمى التاي كولگىنوۆ كوپبالالى انالاردىڭ ماسەلەسىن شەشۋ ءۇشىن قانداي شارالار قابىلدانىپ جاتقانىن ايتتى، دەپ حابارلايدى Sputnik قازاقستان.

نۇر-سۇلتان اكىمىنىڭ ايتۋىنشا، بۇگىندە كوپبالالى انالاردىڭ الەۋمەتتىك جاعدايىن جاقسارتۋ ءۇشىن ءتيىستى جۇمىستار جۇرگىزىلىپ جاتىر.

«جۇمىس باستالدى. بىزدە 17 مىڭنان استام كوپبالالى انا بار. قازىرگى تاڭدا ولارعا الەۋمەتتىك قولداۋ كورسەتىلىپ جاتىر. مۇندا ءارتۇرلى ماسەلە بار. مىسالى، تۇرعىن ءۇي ماسەلەسى. ونى كەزەكپەن شەشەمىز نەمەسە ارنايى باعدارلاما جاسايمىز. جاقىن ارادا جۇمىس ىستەي باستايدى»، - دەدى كولگىنوۆ تىلشىلەرگە.

وسى ورايدا جاڭا اكىم كوپبالالى انالارعا جۇمىس تاۋىپ بەرگىسى كەلەتىنىن اتاپ ءوتتى.

«ءبىزدىڭ نەگىزگى ماقساتىمىز - كوپبالالى انالاردى جۇمىسقا ورنالاستىرۋ. قاجەتتى قولداۋ بار»، - دەدى قالا باسشىسى.

التاي كولگىنوۆ جۋرناليستەردىڭ «كوپبالالى انالاردىڭ ماسەلەسىن شەشۋ ءۇشىن باقىت سۇلتانوۆپەن اقىلداستىڭىز با؟» دەگەن سۇراعىنا جاۋاپ بەردى.

«ارينە، ول كىسى كوپ جۇمىس جاسادى. بۇل جۇمىس ءارى قاراي جالعاسادى»، - دەپ ەلوردا اكىمى قىسقا قايىردى.

 

سوڭعى جاڭالىقتار