ەلوردا اكىمى قۇرىلىس نىساندارىن ارالاپ، ۇلەسكەرلەرمەن كەزدەستى

نۇر-سۇلتان. قازاقپارات - ەلوردا اكىمى التاي كولگىنوۆ ۇلەسكەرلىك قۇرىلىستىڭ پروبلەمالى نىساندارىن ارالادى.

اكىم نىسانداردىڭ قۇرىلىس بارىسىمەن تانىسىپ، تۇرعىن ءۇي كەشەندەرىنىڭ ۇلەسكەرلەرىمەن اڭگىمەلەستى، دەپ حابارلايدى قازاقپارات قالا اكىمىنىڭ رەسمي سايتىنا سىلتەمە جاساپ.

اكىم ى. دۇكەن ۇلى، ا. پانفيلوۆ، ش. ءۋاليحانوۆ كوشەلەرىنىڭ قيىلىسىنداعى قۇرىلىسى ءجۇرىپ جاتقان «گارانت» ك ت ك نىسانىن ارالاپ شىقتى.

جالپى اۋدانى 17,602,80 شارشى مەتر بولاتىن 330 پاتەرگە ەسەپتەلگەن پروبلەمالى نىساننىڭ قۇرىلىسىن «ازبۋكا جيليا» كومپانيالار توبى 2011-جىلى باستاعان بولاتىن.

قۇرىلىستى اياقتاۋ ءۇشىن 2016-جىلى نىسان «وردا ينجينيرينگ» ج ش س- عا وتكىزىلدى.

ۇلەسكەرلەردىڭ جالپى سانى - 168 ادام. نىساندى 2020-جىلدىڭ ءساۋىر ايىندا پايدالانۋعا بەرۋ جوسپارلانىپ وتىر.

«ءار اپتا سايىن ءبىر-ەكى پروبلەمالى كوپپاتەرلى تۇرعىن ۇيلەردى ارالاپ تۇرامىن. جوسپارلى كەستە ءتۇزىلدى. قۇرىلىستىڭ اياقتالۋ پروتسەسىن جانە سوزىلىپ كەتكەن ۇلەسكەرلەر ماسەلەسىنىڭ تۇبەگەيلى شەشىمىن تابۋدى باقىلاۋدا ۇستايمىن»، - دەدى اكىم.

سونداي-اق، اكىم شۇبار تۇرعىن الابىنىڭ قالقامان جانە ناركەسكەن كوشەلەرىنىڭ قيىلىسىندا ورنالاسقان «كومفورت de Lux» ت ك قۇرىلىس الاڭىنا باردى.

جالپى اۋدانى 15734,50 شارشى مەتر بولاتىن 216 پاتەرگە ارنالعان تۇرعىن ءۇي كەشەنىنىڭ قۇرىلىسى 2012-جىلى باستالعان. بۇل نىسان بويىنشا ۇلەسكەرلەردىڭ جالپى سانى - 227 ادام. قۇرىلىستى 2019-جىلدىڭ جەلتوقسانىندا اياقتاۋ جوسپارلانىپ وتىر.