+7 (701) 759 90 19 Лента
18 °С : Нур-Султан
25 °С : الماتى
USD 384.87 EUR 432.52
RUB 6.11 CNY 55.95
جاڭالىقتار

سەنات ءتوراعاسى چەحيا كاسىپكەرلەرىن قازاقستانعا ينۆەستيتسيا سالۋعا شاقىردى

19 ماۋسىم 09:43 676
:ءبولىسۋ
سەنات ءتوراعاسى چەحيا كاسىپكەرلەرىن قازاقستانعا ينۆەستيتسيا سالۋعا شاقىردى

نۇر-سۇلتان. قازاقپارات - قازاقستان رەسپۋبليكاسى پارلامەنتى سەناتىنىڭ ءتوراعاسى داريعا نازاربايەۆا چەحيانىڭ قازاقستانداعى ەلشىسى ر. گيكلدى قابىلدادى.

بۇل تۋرالى قازاقپارات سەناتتىڭ باسپا ءسوز قىزمەتىنە سىلتەمە جاساپ حابارلايدى.

سەنات ءتوراعاسى چەحيا قازاقستاننىڭ بۇرىنعى دوسى، ەۋروپا وداعىنداعى ماڭىزدى ساياسي جانە ەكونوميكالىق ارىپتەسى ەكەنىن اتاپ ءوتتى.

د. نازاربايەۆا قازاقستانداعى ماڭىزدى ىشكى ساياسي وقيعالار، جۇرگىزىلىپ جاتقان رەفورمالار مەن كەزەكتەن تىس پرەزيدەنت سايلاۋىنىڭ ناتيجەلەرى تۋرالى اڭگىمەلەدى.

«قازاقستان پرەزيدەنتى قاسىم-جومارت توقايەۆ لايىقتى ءارى نىق جەڭىسكە قول جەتكىزدى. ءبىزدىڭ الدىمىزدا ۇلكەن مىندەتتەر تۇر. ەلباسىنىڭ ستراتەگيالىق باعىتىن ىسكە اسىرۋ - باستى باعىتىمىز»، - دەدى ول.

سەنات ءتوراعاسى ەلىمىزدىڭ ىشىندەگى جانە حالىقارالىق كەڭىستىكتەگى بەيبىتشىلىكتى، پىكىرلەسۋدى، تۇراقتىلىقتى نىعايتۋعا باعىتتالعان قازاقستاننىڭ حالىقارالىق باستامالارىن قولداعانى ءۇشىن چەحياعا ريزاشىلىعىن ءبىلدىردى.

تاراپتار ەكى ەل پارلامەنتشىلەرىنىڭ اراسىنداعى ىنتىماقتاستىقتى تەرەڭدەتۋدى جاقتايتىندارىن ايتتى.

«ءبىزدىڭ ەلدەرىمىزدىڭ پارلامەنتتەرىندە قۇرىلعان ىنتىماقتاستىق توپتارىنىڭ ءوزارا ءىس-قيمىلىن دامىتا ءتۇسۋ قاجەت. ادامدار اراسىنداعى بايلانىس - ديپلوماتيانىڭ ەڭ جاقسى ءتۇرى»، - دەپ اتاپ ءوتتى پارلامەنت جوعارعى پالاتاسىنىڭ باسشىسى.

د. نازاربايەۆا چەحيالىق كومپانيالاردىڭ قىتاي مەن ە ا ە و ەلدەرىنە تاۋار تاسىمالىنىڭ مۇمكىندىكتەرى تۋرالى ايتا كەلىپ، چەحيا كاسىپكەرلەرىن قازاقستانعا ينۆەستيتسيا سالۋعا شاقىردى.

سەنات باسشىسىنىڭ پىكىرىنشە، اۆتوموبيل جاساۋ، جاسىل تەحنولوگيالار، ءبىلىم بەرۋ، دەنساۋلىق ساقتاۋ جانە تۋريزم ىنتىماقتاستىقتىڭ باسىم سالالارى بولىپ تابىلادى.

«قازاقستاندا ارتىقشىلىقتار مەن مۇمكىندىكتەر وتە كوپ. ايماق وتە بەلسەندى دامىپ كەلەدى»، - دەدى سەنات باسشىسى.

ر. گيكل ءبىزدىڭ ەلىمىزدىڭ قاقتىعىستاردى رەتتەۋ جونىندەگى بىتىمگەرشىلىك كۇش-جىگەرى مەن ەكىجاقتى ىنتىماقتاستىقتىڭ زور الەۋەتىن اتاپ وتە كەلىپ قازاقستاندا جۇزەگە اسىپ جاتقان رەفورمالارعا نازار اۋداردى.


:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
Кожакелдиев Е.
Кожакелдиев Е.
954-049
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات