اقمولا وبلىسىندا تاعى ەكى جەل ەلەكتر ستانساسى ىسكە قوسىلادى
بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىعى باسقارماسىنىڭ باسشىسى يۆان يۋرچەنكو ايتتى، دەپ حابارلايدى قازاقپارات ءتىلشىسى.
باسقارما باسشىسىنىڭ ايتۋىنشا، ەلىمىزدىڭ «جاسىل ەكونوميكاعا» كوشۋ جونىندەگى تۇجىرىمداماسىنا سايكەس، اقمولا وبلىسىندا دا كۇن جانە جەل قۋاتىنان ەنەرگيا وندىرەتىن ەلەكتر ستانساسىن سالۋ بويىنشا ءبىرقاتار جوبا جۇزەگە اسىرىلۋدا. ەلىمىزدە 2023-جىلعا قاراي بالامالى كوزدەردەن وندىرىلگەن ەنەرگيا ۇلەسىنىڭ كولەمى 45 پايىزعا كەم بولمايتىندىعى بولجانىپ وتىر.
«وبلىس بويىنشا جەلدىڭ وتىندە ورنالاسقان ەرەيمەنتاۋ اۋدانىندا ەلىمىزدەگى ەڭ ۇلكەن جەل ەلەكتر ستانساسى جۇمىس ىستەيدى. سەلينوگراد اۋدانىندا قۋاتتىلىعى 100 مۆت كۇن ەلەكتر ستانساسىن سالۋ جوسپاردا بار. اعىمداعى جىلى ەكى ج ە س جوباسى جۇزەگە اسىرىلادى. ونىڭ ءبىرى - كوكشەتاۋدىڭ ىرگەسىندەگى قۋاتى 3,75 مۆت «ۆەترو ينۆەست كوكشەتاۋ» ج ش س- نىڭ جوباسى بولسا، ارشالى اۋدانىنداعى قۋاتى 50 مۆت (بولاشاقتا 100 مۆت دەيىن) ەكىنشى جوبانى «ساتەك Green Energy» ج ش س قولعا الادى. بۇل ەكى جوبانى دا اعىمداعى جىلدىڭ 3- توقسانىندا ىسكە قوسۋ جوسپارلانىپ وتىر. اتالمىش جوبالاردىڭ ينۆەستيتسيالىق قۇنى 153 ميلليارد تەڭگەگە باعالانىپ وتىر»، - دەپ اتاپ ءوتتى يۆان يۋرچەنكو.