+7 (701) 759 90 19
-3 °С : نۇر-سۇلتان
4 °С : الماتى
USD 389.98 EUR 434.01
RUB 6.10 CNY 55.04
جاڭالىقتار

قىزىلوردادا ستۋدەنتتەر كونە جانكەنت قالاشىعىن زەرتتەيتىن بولدى

19 ماۋسىم 07:53
:ءبولىسۋ
قىزىلوردادا ستۋدەنتتەر كونە جانكەنت قالاشىعىن زەرتتەيتىن بولدى

قىزىلوردا. قازاقپارات - قىزىلوردالىق ستۋدەنتتەر ارحەولوگيالىق قازبا جۇمىستارى ەكسپەديتسياسىنا قاتىسۋعا مۇمكىندىك الدى.

ولار جانكەنت قالاشىعىندا كەزەكتى دالالىق زەرتتەۋ شارالارىنا قاتىسىپ ءجۇر، دەپ حابارلايدى قازاقپارات ءتىلشىسى.

اتالمىش شارا ق ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» باعدارلاماسى اياسىندا قولعا الىنىپ وتىر.

بۇل باعىتتا قورقىت اتا اتىنداعى قىزىلوردا مەملەكەتتىك ۋنيۆەرسيتەتى ءتيىستى ءىس-شارالاردى قولعا الدى. باعدارلامانىڭ «قازاقستاننىڭ ساكرالدى گەوگرافياسى» ارنايى جوباسى اياسىندا ۋنيۆەرسيتەت جانىنداعى «ارحەولوگيا جانە ەتنوگرافيا» عىلىمي-زەرتتەۋ ورتالىعى ورتاعاسىرلىق جانكەنت قالاشىعىندا كەزەكتى دالالىق زەرتتەۋ جۇمىستارىن باستاپ كەتتى. سونداي-اق، وعان جوعارى وقۋ ورنىندا ارحەولوگيا جانە ەتنولوگيا ماماندىعى بويىنشا ءبىلىم الىپ جۇرگەن ستۋدەنتتەر دە تارتىلدى.

ناتيجەسىندە ءبىلىم الۋشى جاستار ەكسپەديتسيا بارىسىندا وندىرىستىك تاجىريبەدەن وتەدى. ولارعا ارحەولوگيا جانە ەتنوگرافيا عىلىمي-زەرتتەۋ ورتالىعىنىڭ جەتەكشىسى، PhD دوكتور ءازىلحان تاجەكەيەۆ جەتەكشىلىك ەتىپ كەلەدى. جاس ماماندار ارحەولوگيالىق بارلاۋدى جۇرگىزۋ ادىستەرىمەن دە تانىسىپ، تاجىريبەلىك بىلىمدەرىن شىڭدايدى.

«جاستار العاشقى كۇنى ورتاعاسىرلىق جانكەنت قالاسىنىڭ جانە وندا جۇرگىزىلگەن ارحەولوگيالىق زەرتتەۋ جۇمىستارىنىڭ تاريحىمەن تانىستى. وعان قوسا قازبا نىسانىنىڭ ورنىن دايىنداۋ جانە كولەمىن انىقتاۋ، قازبا بارىسىنىڭ فوتو قۇجاتتاماسىن دايىنداۋ، قازبا نىسانىنىڭ سىزباسىن دايىنداۋ جانە قازبا جۇمىستارىنان الىنعان جادىگەرلەردى جيناقتاۋ، تازالاۋ، وڭدەۋ سىندى ارحەولوگيالىق قازبا جۇمىستارىن جۇرگىزۋدىڭ ادىستەرىن ۇيرەندى»، - دەدى ءازىلحان تاجەكەيەۆ.

ستۋدەنتتەر قازبا جۇمىسىنان تىس ۋاقىتتا ولار قازالى اۋدانىنا قاراستى كاۋكەي اۋىلىندا ورنالاسقان ورتاعاسىرلىق سارامان-قوسا مۇناراسىمەن تانىستى.

ەسكە سالا كەتسەك، 2005-2019-جىلدار ارالىعىندا جانكەنت ەسكەرتكىشىندە 9 قازبا نىسانى سالىندى. بۇل ەسكەرتكىشتە قازبا جۇمىستارىمەن قاتار قايتا قالپىنا كەلتىرۋ جانە مۋزەەفيكاتسيا جۇمىستارى دا قولعا الىنعان.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات