جەرسەرىك اتموسفەرادا قالاي بالقيدى؟
اگەنتتىكتىڭ رەسمي سايتىندا سىناقتىڭ بەينەجازباسى جاريالاندى. كەل قالاسىنداعى DLR نەمىس اەروعارىش ورتالىعىنىڭ الاڭىندا وتكەن سىناقتا جەردىڭ ءوربيتالدى سەرىگىنىڭ ەڭ قالىڭ بولشەگى قولدانىلعان. مولشەرى 4*10 سانتيمەتر بولاتىن ماگنيت قايتارعىش قۇرىلعى جاساندى سەرىكتىڭ جەردىڭ ماگنيت ورىسىمەن ارەكەتتەسۋ ءۇشىن ارنالعان. زەرتتەۋشىلەر ماگنيتتى قايتارعىش قۇرىلعىنىڭ ۇلگىسىن سىرتى كومىرتەكتى تالشىقتان توقىلعان پوليمەرلى كومپوزيتتى ماتەريالدان جاسالعان.
سونداي- اق قۇرىلعىعا جەزدەن جاسالعان شارعى مەن تەمىرلى- كوبالتتى وزەك ورناتىلعان.
عالىمدار الدىمەن وزەكشەنى پلازمالى اەروديناميكالىق قۇبىرعا سالىپ، گيپەردىبىستىق پلازمادا تسەلسيي بويىنشا بىرنەشە مىڭ گرادۋسقا قىزدىرىلدى.
"ءبىز قۇرىلعى جاسالعان ماتەريالداردىڭ بەرىكتىگىن، ءار ءتۇرلى جىلۋ اعىنىندا ءوزىن قالاي ۇستايتىنىن باقىلادىق، - دەيدى ESA ينجەنەرى تياگو سوارەس، - "ۇلگى جىلۋ اعىنىنىڭ ىستىق دارەجەسىندە تولىقتاي بالقىپ كەتتى".
زەرتتەۋشىلەر جەرسەرىكتەردىڭ ءبىزدىڭ پلانەتانىڭ اتموسفەراسىندا قالاي ورتەنەتىنىن تۇسىنۋگە تىرىستى. زەرتتەۋدىڭ ناتيجەسى بولاشاقتا جەرگە قۇلايتىن عارىش اپپاراتتارىنىڭ تۋدىراتىن قاۋىپ- قاتەرىن ازايتۋعا سەپتىگىن تيگىزەتىنى انىق. جەرگە قايتا ورالاتىن عارىش قۇرىلعىسى اتموسفەرادا تولىقتاي ورتەنىپ كەتەدى، الايدا اپپاراتتىڭ كەيبىر بولشەگى جەرگە تۇسەتىن جاعدايلار دا كەزدەسىپ تۇرادى. مىسالى، 1997 -جىلى تەحاس شتاتىنىڭ تۇرعىندارىى ستيۆ پەن ۆەرونا گۋتوۆسكيلار فەرماسىنان 50 مەتر قاشىقتىقتا قۇلاعان 250 كەلىلىك زىمىران ساتىسىنىڭ جانارماي شانىنىڭ كۋاسى بولعان.
Massaget.kz