قازاقستاندا حالىققا قىزمەت كورسەتۋدىڭ جاڭا ءتاسىلى پايدا بولدى

نۇر- سۇلتان. قازاقپارات - قازاقستاندا حالىققا قىزمەت كورسەتۋدە جاڭا جوبا قولعا الىندى، دەپ حابارلايدى قازاقپارات.

«بويمەتريا - حالىققا قىزمەت كورسەتۋ ورتالىقتارى مەن egov.kz پورتالىندا ادامنىڭ كەسكىنى مەن ساۋساق ىزدەرىن سايكەستەندىرۋ ارقىلى قىزمەت كورسەتۋگە كوزدەلگەن پيلوتتىق جوبا» ، - دەپ جازدى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ قوعاممەن بايلانىس دەپارتامەنتىنىڭ باسشىسى مۇرات جۇمانباي ءوزىنىڭ Facebookپاراقشاسىندا.

ونىڭ ايتۋىنشا، ەندىگى ۋاقىتتا قازاقستاندىقتارعا ەلەكتروندى تسيفرلىق قولتاڭبانى وزىمەن بىرگە الىپ ءجۇرۋدىڭ قاجەتى جوق. «ادام كەسكىنى مەن ساۋساق ىزدەرى ارقىلى حالىققا قىزمەت كورسەتۋ ورتالىقتارىنىڭ بازالىق اقپاراتتىق جۇيەسىندە 2 قىزمەت ءتۇرىن الا الادى. ونىڭ ءبىرى مەكەنجاي انىقتاماسى، ەكىنشىسى جىلدىمايتىن مۇلىكتىڭ جوقتىعىن راستايتىن انىقتاما» ، - دەيدى ول.

قازىرگى ۋاقىتتا اتالعان جاڭا قىزمەت ءتۇرى نۇر- سۇلتان، الماتى،  قىزىلوردا قالالارىندا قولجەتىمدى. دەپارتامەنت باسشىسىنىڭ دەرەگىنە سۇيەنسەك، بۇگىندە بيومەتريالىق قىزمەتتەر بازاسىنا  14299 ادام تىركەلگەن.