+7 (701) 759 90 19 Лента
29 °С : Нур-Султан
36 °С : الماتى
USD 383.98 EUR 430.63
RUB 6.11 CNY 55.83
جاڭالىقتار

ايگىلى «دوس-مۇقاسان»-نىڭ جەتەكشىسى قۇسايىنوۆقا قاتىستى ءىس قوزعالدى

18 ماۋسىم 20:05 334
:ءبولىسۋ
ايگىلى «دوس-مۇقاسان»-نىڭ جەتەكشىسى قۇسايىنوۆقا قاتىستى ءىس قوزعالدى

نۇر-سۇلتان. قازاقپارات - ايگىلى «دوس- مۇقاسان» انسامبلىنىڭ جەتەكشىسى ءارى ءسوليسى مۇرات قۇسايىنوۆقا قاتىستى ءىس قوزعالدى.

وعان ق ر قىلمىستىق كودەكسىنىڭ 378-بابى 1-بولىگى («بيلىك وكىلىن قورلاۋ») بويىنشا ايىپ تاعىلعان.

باستى سوت تالقىلاۋى 20 -ماۋسىمدا نۇر-سۇلتان قالاسى №2 -ەسىل اۋداندىق سوتىنىڭ عيماراتىندا وتەدى دەپ جوسپارلانعان. بۇعان دەيىن «ەير استانا» ءارتىستىڭ اۋە كومپانياسى قىزمەتكەرىن ۇرعانىن مالىمدەگەن ەدى.

«ەير استانانىڭ» نۇسقاسى بويىنشا، 14 -ساۋىردە نۇر-سۇلتان - الماتى باعىتىنداعى ك س852 رەيسىنە وتىرعىزۋ بارىسىندا قۇسايىنوۆ داۋىس كوتەرە سويلەپ، بالاعات سوزدەر ايتقان. ەكيپاج ونى تاسىمالداۋدان باس تارتقان سوڭ، ول اۋە كومپانياسى قىزمەتكەرلەرىنىڭ الدىندا جولاۋشىلارعا قىزمەت كورسەتۋ بويىنشا كەزەكشىلىك باسشىسىنىڭ ماڭدايىنان ۇرعان. كەيىن اۋە كومپانياسى ءانشىنىڭ ۇستىنەن نۇر-سۇلتان اۋەجايىنىڭ پوليتسيا بولىمىنە ارىز جازعان.

وسىعان دەيىن، «دوس-مۇقاسان» انسامبلىنىڭ جەتەكشىسى ءارى سوليسى مۇرات قۇسايىنوۆ نۇر-سۇلتان اۋەجايىندا بولعان وقيعانىڭ ءوز نۇسقاسىن ايتتى ءوز كەزەگىندە مۋزىكانت قىزمەتشى قىزعا قول كوتەرمەگەنىن ايتادى.

قۇسايىنوۆتىڭ سوزىنشە، اۋە كومپانياسىنىڭ قىزمەتكەرلەرى ۇشاققا وتىرعىزۋ الدىندا ودان اياق كيىمىن شەشۋدى تالاپ ەتكەن. ءانشى باس تارتقان سوڭ، ونى قىزمەتكەرلەر رەيسكە كىرگىزبەگەن. قۇسايىنوۆ جاۋاپ رەتىندە قىزعا ۇرىسقانىن عانا ايتادى.

«ولار مەنەن اياق كيىمىم مەن بەلبەۋىمدى شەشۋىمدى تالاپ ەتتى. مەن سكانەرمەن تەكسەرۋىن سۇرادىم. ءبىراق ولاردىڭ مەنى قورلاعىسى كەلدى. بۇل ويلارى ىسكە استى. مەن شەشكەن جوقپىن. ءسويتىپ جانجالداسىپ قالدىق»، - دەدى ول.

«ولار مەنى وتكىزگىسى كەلمەدى، قىزمەتشى قىز الدىما تۇرىپ الدى. مەن شەشپەيتىنىمدى ايتتىم. راس، وعان ۇرىستىم، دورەكى سويلەدىم. بار بولعانى سول. مەنى رەيستەن الىپ تاستادى، ۇشا الماي قالدىم»، - دەدى ءارتىس.

ارتىنشا «ەير استانا» اۋە كومپانياسى قۇسايىنوۆتى جاۋاپقا تارتۋدى سۇراپ نۇر-سۇلتان اۋەجايىنىڭ پوليتسيا بولىمىنە ارىز جازعان.

«مەنىڭ شاعىمدانباۋىم ءۇشىن «ەير استانا» قىزمەتكەرلەرى ءبىرىنشى بولىپ بۇل قادامعا بارىپ وتىر. بۇل كورپوراتيۆتىك مۇددە. پوليتسيا ءبولىمىنىڭ قىزمەتكەرلەرى مەنى ەكى-ءۇش ساعات ۇستادى. «مەنى قاماڭدار» دەدىم. ءبىراق ولار قول قويۋىمدى سۇرادى. مەن كونستيتۋتسيالىق قۇقىعىمدى پايدالانىپ، ەشقانداي قول قويمايتىنىمدى ايتتىم. ءسويتىپ، ولار حاتتاما تولتىرا باستادى. مەنى قاماعىسى كەلدى. ولار «جوق، قامامايمىز، ءبىراق ءسىزدىڭ ۇستىڭىزدەن ارىز ءتۇستى» دەپ ايتتى»، - دەدى مۋزىكانت.

«ەير استانا» كەلەسى رەيستە دە مۇرات قۇسايىنوۆتى الىپ كەتۋدەن باس تارتقاندىقتان ءانشى 51 مىڭ تەڭگەگە بيلەت ساتىپ الىپ، باسقا اۋە كومپانياسىمەن ۇشقان. «باسقا اۋە كومپانيالارىمەن ۇشىپ ءجۇرمىن. «وتە بەرىڭىز، اياق كيىمدى شەشۋدىڭ قاجەتى جوق» دەپ ايتادى. ال مۇندا ولار مەنى جەپ قويا جازدادى. شەشىڭىز دەيدى. ەستەرىنەن اداسقان با؟.. ەندى وزدەرىن اقتاۋ ءۇشىن قارىمتا شابۋىل جاساپ وتىر. ەشكىم ەشكىمدى ۇرعان جوق، ءبارىن ويدان شىعارعان»، - دەدى قۇسايىنوۆ.

ءارتىس ەندى اۋە كومپانياسىنىڭ ۇستىنەن ارىز جازباق. «ەير استانانى» سوتقا بەرەتىن شىعارمىن. بۇلاي ىستەۋگە بولمايدى. جولاۋشىلار اراسىندا ەكى كۋاگەرىم بار. ادۆوكات جالداپ، ءىستىڭ اق-قاراسىن اشامىن. ەگەر ولار ارىزدارىن قايتارىپ الماسا، مەن سوتقا بەرەمىن»، - دەدى ول.

Kaz.tengrinews.kz


باستى سوزدەر: زاڭ جانە قۇقىق , قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات