18:53, 18 - ماۋسىم 2019 | GMT +6
ەلوردادا عارىش ورتالىعىنىڭ پلانەتاريى بوي كوتەرەدى
نۇر- سۇلتان. قازاقپارات - ەلوردادا «قازاقستان عارىش ساپارى» ۇ ك» ا ق- نىڭ پلانەتاريى بوي كوتەرەدى، دەپ حابارلايدى قازاقپارات قالا سايتىنا سىلتەمە جاساپ.
نۇر- سۇلتان قالاسىنىڭ تۋريستىك كارتاسىنا ەنەتىن جاڭا نىسان ءبىر مەزەتتە 300 گە جۋىق كورەرمەندى سىيدىرا الادى. ەلوردانىڭ ساۋلەت، قالا قۇرىلىسى جانە جەر قاتىناستارى باسقارماسىنىڭ مالىمەتىنە سايكەس، پلانەتارييدە عارىش مۇراجايى، ۇلكەن اكىمشىلىك- شارۋاشىلىق بلوك، ۇلكەن كەڭسە ورتالىعى ورنالاساتىنى جوسپارلانعان. ول قوسشى كەنتى مەن نۇرسۇلتان نازاربايەۆ حالىقارالىق اۋەجايى ماڭىنداعى اينالما جول تۇسىندا سالىنادى.
«قازىرگى ۋاقىتتا عارىش مۇراجايى مەن عارىش كورابلدەرىنىڭ ماكەتتەرىن قامتيتىن جوبانىڭ ءبىرىنشى كەزەگى سالىندى» ، - دەلىنگەن مالىمەتتە.