الەم حالقى سانىنىڭ ءوسۋ قارقىنى نە ءۇشىن باسەڭدەپ كەلەدى

None
None
 نۇر-سۇلتان. قازاقپارات - 2050 -جىلى جەر بەتىندەگى ادام سانى شامامەن توعىز ميلليارد 700 ميلليونعا جەتەدى.

بۇل تۋرالى 17 -ماۋسىمدا ب ۇ ۇ-نىڭ حالىق سانى تۋرالى جاريالانعان كەزەكتى ەسەبىندە ايتىلعان. ب ۇ ۇ دەرەگىنشە، الەمدە حالىقتىڭ ءوسۋ قارقىنى ازايىپ، ءبىرقاتار ەلدە قارت ادام سانى كوبەيگەن. ءۇندىستان جاقىن ارادا قىتايدى باسىپ وزىپ، الەمدەگى حالقى ەڭ كوپ ەلگە اينالماق.

ب ۇ ۇ ەسەبىنە سۇيەنگەن Pew زەرتتەۋ ورتالىعى 22 -عاسىردىڭ باسىندا الەم حالقى سانىنىڭ ءوسىمى كىدىرەدى دەپ جازادى. 2050 - 2100 -جىلدار ارالىعىندا ءوسۋ قارقىنى كۇرت ازايىپ، ونىڭ كورسەتكىشى ءبىر ميلليارد 300 ميلليون ادام بولادى دەپ بولجايدى زەرتتەۋشىلەر.

ب ۇ ۇ ەسەبىندە ءۇندىستان حالقى جاعىنان قىتايدى 2027 -جىلى باسىپ وزادى دەلىنگەن. بولجام بويىنشا، الەمنىڭ توعىز ەلىندە - ءۇندىستان، نيگەريا، پاكىستان، كونگو، ەفيوپيا، تانزانيا، يندونەزيا، ەگيپەت پەن ا ق ش-تا حالىق سانى وسەدى. دەگەنمەن بۇل ەلدەردە بالا تۋۋ ەداۋىر باسەڭدەيدى. 1990 -جىلى ءبىر اناعا 3,2 بالادان كەلسە، 2019 -جىلى بۇل كورسەتكىش - 2,5، ال 2050 -جىلى - 2,2 بولادى دەلىنگەن ۇيىم ەسەبىندە.

2050 -جىلى جەردەگى ءار التىنشى ادامنىڭ جاسى 65 تەن اسادى. 2018 -جىلى ءار 11 ادامنىڭ ءبىرى سونداي جاستا بولعان. 2050 -جىلى ەۋروپا مەن سولتۇستىك امەريكا ەلدەرى حالقىنىڭ تورتتەن ءبىرى 65 جاستان اسىپ، ەلدىڭ الەۋمەتتىك قامتاماسىز ەتۋ، زەينەتاقى مەن دەنساۋلىق سالاسىنا جۇمسايتىن قارجىسى ەداۋىر كوبەيەدى دەپ بولجانىپ وتىر.

 

www.azattyq.org

سوڭعى جاڭالىقتار