الماتى وبلىسىندا جاستار فورۋمى ءوتىپ جاتىر
«جاستار كوزقاراسى: پاراساتتىلىق پەن ادالدىق» تاقىرىبىنداعى شارانىڭ ماقساتى - مەملەكەت باسشىسى قاسىم- جومارت توقايەۆ ۇلىقتاۋ راسىمىندە اتاپ وتكەن 10 باعىتتى جۇزەگە اسىرۋ، جاس مەملەكەتتىك قىزمەتشىلەردىڭ كادرلىق رەزەرۆىن قالىپتاستىرۋ. سونداي- اق جاستاردىڭ بويىنا جەمقورلىققا توزبەۋشىلىك قاسيەتتەردى ءسىڭىرىپ، جاۋاپكەرشىلىكتى ارتتىرۋ، ەركىن ويلاۋ، باتىل سويلەۋ، ساياسي بەلسەندى بولۋعا شاقىرۋ. فورۋمعا ايماقتان 150 گە جۋىق جاس قاتىسىپ، اعا بۋىننىڭ اقىلىن تىڭداپ، سەكتسيالىق وقۋلاردا ءدارىس الدى.
سەمينار- ترەنينگتەر ارقىلى ءوزىن- ءوزى دامىتۋعا، جاڭاشا كوزقاراس قالىپتاستىرۋعا ۇيرەنۋدە. جيىن بارىسىندا ق ر مەملەكەتتىك قىزمەت ىستەرى جانە سىيبايلاس جەمقورلىققا قارسى ءىس- قيمىل اگەنتتىگىنىڭ الماتى وبلىسى بويىنشا دەپارتامەنت باسشىسى سەرىكباي نۇرعيسايەۆ ءسوز الىپ، قاتىسۋشىلارمەن ءوز تاجىريبەسىمەن ءبولىستى.
«مانساپتىق ءوسۋ. مەريتوكراتيا جولىمەن ءوزىنىڭ بويىنداعى قاسيەتتى تولىق اقتاپ، تولىق كورسەتىپ، مەملەكەتكە پايداسىن تيگىزۋ كەرەك. جانە ءوزىنىڭ دە قوعام الدىنداعى بەدەلىن كورسەتىپ ءوسۋى قاجەت» ، - دەپ اتاپ ءوتتى دەپارتامەنت باسشىسى.