+7 (701) 759 90 19
-5 °С : نۇر-سۇلتان
-2 °С : الماتى
USD 389.34 EUR 428.78
RUB 6.05 CNY 55.45
جاڭالىقتار

پرەزيدەنت ۇلىن ايماق اكىمى ەتىپ تاعايىندادى

18 ماۋسىم 17:53
:ءبولىسۋ
پرەزيدەنت ۇلىن ايماق اكىمى ەتىپ تاعايىندادى

نۇر-سۇلتان. قازاقپارات - تۇركىمەنستان پرەزيدەنتى گۋربانگۋلى بەردىمۇحامەدوۆ ۇلى سەردار بەردىمۇحامەدوۆتى احال ءۋالاياتى حاكىمى (اكىمى) قىزمەتىنە تاعايىندادى.

بۇل تۋرالى 17 -ماۋسىمدا تۇركمەنستاننىڭ مەملەكەتتىك اقپارات اگەنتتىكتەرى حابارلادى.

بۇعان دەيىن پرەزيدەنت اكەسى جالعىز ۇلىن بيىل 2 -قاڭتاردا احال ءۋالاياتى اكىمىنىڭ ورىنباسارى ەتىپ تاعايىنداعان بولاتىن.

37 جاستاعى سەردار بەردىمۇحامەدوۆتىڭ ساياسي مانسابى 2016 -جىلدىڭ باسىندا باستالعان. سول جىلى ول پارلامەنتتىڭ قوسىمشا سايلاۋىندا دەپۋتات بولىپ سايلانعان. وعان دەيىن پرەزيدەنتتىڭ ۇلى ەلدەگى بىرنەشە مينيسترلىك پەن اگەنتتىكتە ءتۇرلى قىزمەت اتقارعان.

سەردار بەردىمۇحامەدوۆ وسىعان دەيىن تۇركمەنستان سىرتقى ىستەر مينيسترلىگىندە دەپارتامەنت باسشىسى، ءمينيستردىڭ ورىنباسارى بولىپ تا جۇمىس ىستەگەن. تاۋەلسىز باقىلاۋشىلار سەردەر بەردىمۇحامەدوۆتى بيلىكتەگى اكەسىنىڭ ىقتيمال مۇراگەرى دەپ سانايدى.

رەسمي باسىلىمداردا سەردار بەردىمۇحامەدوۆتى «حالىقتىڭ ۇلى» دەپ اتايدى، ال ونىڭ اكەسىمەن بىرگە كوپشىلىك الدىنا شىعۋىن «ۇرپاقتار ساباقتاستىعى» دەپ جازعان. پرەزيدەنت بەردىمۇحامەدوۆتىڭ جالعىز ۇلىنان باسقا ءۇش قىزى بار.

سەردار بەردىمۇحامەدوۆ پرەزيدەنت اكەسى بارماعان كەي حالىقارالىق جيىندارعا قاتىسقان. مىسالى، 2018 -جىلى ول قازاقستاندا وتكەن ورتا ازيا ەلدەرى باسشىلارىنىڭ كەزدەسۋى مەن ت م د ەلدەرى مينيسترلەرىنىڭ كەڭەسىنە قاتىسىپ قايتقان.

بيىل 29 ماۋسىمدا 62 جاسقا تولاتىن گۋربانگۋلى بەردىمۇحامەدوۆ ورتالىق ازياداعى تابيعي گازعا باي تۇركىمەنستاندى وزىنە دەيىنگى پرەزيدەنت ساپارمۇرات نيازوۆ قايتىس بولعان 2006 -جىلدىڭ جەلتوقسانىنان بەرى باسقارىپ وتىر. 2017 -جىلى اقپاندا وتكەن پرەزيدەنت سايلاۋىنىڭ رەسمي قورىتىندىسى بويىنشا، سايلاۋشىلاردىڭ 97 پايىزى قولداۋ بىلدىرگەن گۋربانگۋلى بەردىمۇحامەدوۆ ءۇشىنشى مەرزىمگە پرەزيدەنت بولىپ سايلانعان. بۇل ەلدە پرەزيدەنت جەتى جىلعا سايلانادى.

باتىس باقىلاۋشىلارى تۇركىمەنستاندا وسى كەزگە دەيىن ءبىر دە ءبىر سايلاۋ ءادىل جانە ەركىن وتكەن جوق دەپ سانايدى. تۇركىمەنستان بيلىگىن سىنايتىندار مەن قۇقىق قورعاۋشىلار بەردىمۇحامەدوۆتىڭ بيلىككە كەلگەلى وزگەشە ويلايتىنداردى قۋدالاعانىن جانە ايتارلىقتاي وزگەرىس جاساماعانىن ايتادى.

«شەكاراسىز تىلشىلەر» (Reporters Without Borders) حالىقارالىق ءسوز بوستاندىعىن قورعاۋ ۇيىمىنىڭ باسپا ءسوز ەركىندىگى رەيتينگىندە تۇركىمەنستان 180 ەلدىڭ ىشىندە ەڭ سوڭعى ورىندا تۇر. ال Freedom House حالىقارالىق قۇقىق قورعاۋ ۇيىمى بيىلعى ەسەبىندە تۇركىمەنستاندى «ازاماتتاردىڭ ەركىندىگى مەن بوستاندىعى كوپ شەكتەلەتىن ەركىن ەمەس ەلدەر» تىزىمىنە قوسقان.

www.azattyq.org


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات