قازاقستاندىق دارىگەرلەر ءۇش ادامعا جاساندى جۇرەك سالىپ بەردى
بۇل تۋرالى بۇگىن حالىقپەن كەزدەسۋ وتكىزگەن ق ر دەنساۋلىق ساقتاۋ ءمينيسترى ەلجان ءبىرتانوۆ ايتتى، دەپ حابارلايدى قازاقپارات ءتىلشىسى.
«ءبارىمىزدى مازالايتىن كەلەسى وزەكتى ماسەلە ساپالى جوعارى تەحنولوگيالىق مەديتسينالىق كومەك الۋ بولىپ وتىر. راسىندا، تاريحي جاعدايعا بايلانىستى كەيبىر تەحنولوگيالارىمىز بولماعاننان كەيىن كوپ پاتسيەنتتەر شەتەلگە بارىپ ەم ىزدەيدى. ءبىراق، بىزدە بۇل ماسەلە بويىنشا جوسپارلار ەنگىزىلىپ، جۇمىس جاسالىپ جاتىر. وسى رەتتە، ۇلتتىق عىلىمي كلينيكالارعا العىس بىلدىرگىم كەلەدى. وتكەن ءۇش جىلدىڭ ىشىندە جوعارى تەحنولوگيالىق قىزمەتتەردىڭ سانى، سونىڭ ىشىندە بىرەگەي وپەراتسيالاردىڭ ۇلەسى ارتىپ كەلەدى» ، - دەدى مينيستر.
ماسەلەن، ونىڭ ايتۋىنشا، ەلىمىزدىڭ ۇلتتىق كارديوحيرۋرگيالىق ورتالىعىندا وتكەن جىلى جۇرەك ترانسپلانتاتسياسى بويىنشا 8 وتا جاسالعان.
«باسقا مەملەكەتتەردە ەنگىزىلمەگەن تولىقتاي جاساندى جۇرەكتىڭ 3 ترانسپلانتاتسياسى جاسالدى. بۇل - فرانتسيا جانە باسقا مەملەكەتتەردەگى عىلىمي- زەرتتەۋ جۇمىسى. ءبىراق، ءبىزدىڭ كارديوحيرۋرگيالىق ورتالىعىمىز دۇنيەجۇزىندە تۇڭعىش رەت وسىنداي وپەراتسيانى جاساپ جاتىر» ، - دەدى ە. ءبىرتانوۆ.