الماتىدا ترياتلوننان ازيا كۋبوگى وتەدى

None
None
الماتى. قازاقپارات - الماتىدا 2019 -جىلدىڭ 3-4 - تامىزىندا تيراتلوننان حالىقارالىق ASTC Asian Cup ASTC ءتۋرنيرى وتەدى. وعان كاسىبي جانە اۋەسقوي سپورتشىلار قاتىسا الادى، دەپ حابارلايدى قازاقپارات ءتىلشىسى.

ءدۇبىرلى دودا 3 - تامىزدا سايران كولىندە باستالادى. وعان ازيا مەن الەمنىڭ 40 تان استام ەلىنەن 130 كاسىبي ترياتلەت قاتىسادى. ASTC Asian Cup - كۋبوگىن ازيالىق كونفەدەراتسيا مەن ترياتلوننىڭ حالىقارالىق وداعى (ASTC) ۇيىمداستىرىپ جاتىر. جارىسقا Elite كاتەگورياسى بار بارلىق سپورتشى قاتىسا الادى. 4 - تامىزدا قىزىعۋشىلىق تانىتقان 18 جاستان جوعارى AGE كاتەگوريالى سپورتشىلار اراسىندا چەمپيونات باستالادى. ولار بۇگىننەن باستاپ مىنا سايتقا تىركەلە الادى. سونىمەن قاتار، Age Group كاتەگورياسىنا كوماندامەن وتۋگە رۇقسات ەتىلگەن. توپ ەكى نەمەسە ءۇش ادامنان قۇرالادى. «تاعى ءبىر ايتا كەتەرلىگى، جارىسقا قاتىسۋشىلار سانىنا شەكتەۋ قويىلعان. جارىستا 220 اتلەت پەن 30 كوماندا باق سىنايدى» ، - دەدى الماتى ترياتلون فەدەراتسياسىنىڭ اتقارۋشى ديرەكتورى رۋسلان كوگاي.

Asian Cup تۋرنيرىندە كاسىبي سپورتشىلار 750 مەتر ءجۇزىپ، ۆەلوسيپەدپەن 20 شاقىرىم، 5 شاقىرىم جۇگىرىپ جارىسپاق. ال، اۋەسقويلار الدىمەن 1500 م قاشىقتىقتى ءجۇزىپ، ۆەلوسيپەدپەن 40 شاقىرىم، ارى قاراي 10 شاقىرىمدى جۇگىرىپ ءوتۋى ءتيىس. اۋەسقوي ترياتلون شارتتارىمەن رەسمي سايتتا تانىسۋعا بولادى. تولىق اقپارات جارىس جاقىنداعاندا جاريالانادى. ترياتلون - ءۇش كەزەڭنەن تۇراتىن وزىندىك ەرەكشەلگى بار سپورت ءتۇرى. ترياتلون 2000  جىلدان بەرى وليمپيا ويىندارىنىڭ باعدارلاماسىنا ەنگىزىلگەن. بۇل سپورت ءتۇرى قازاقستاننىڭ بارلىق ايماعىندا قارقىندى دامىپ كەلەدى. 2019 -جىلى 18 - رەسپۋبليكالىق جانە حالىقارالىق دارەجەدە ءتۇرلى جارىستار وتكىزۋ جوسپارلانىپ وتىر.

سوڭعى جاڭالىقتار