+7 (701) 759 90 19 Лента
7 °С : نۇر-سۇلتان
4 °С : الماتى
USD 389.52 EUR 429.21
RUB 6.07 CNY 54.94
جاڭالىقتار

وزبەكستاننىڭ بۇرىنعى پرەزيدەنتى يسلام كاريموۆتىڭ جيەنى وزبەك ۇكىمەتىنە ۇندەۋ جاسادى

18 ماۋسىم 13:41
:ءبولىسۋ

نۇر-سۇلتان. قازاقپارات - وزبەكستاننىڭ ءبىرىنشى پرەزيدەنتى، مارقۇم يسلام كاريموۆتىڭ جيەنى يمان كاريموۆا Instagram پاراقشاسى ارقىلى وزبەكستان مەملەكەتتىك قاۋىپسىزدىك قىزمەتى مەن باس پروكۋراتۋراسىنا ۇندەۋ جاسادى.

ول قاماۋدا وتىرعان اناسى گۇلنارا كاريموۆاعا تۇرمەدە قىسىم جاسالاتىنى تۋرالى مالىمدەگەن. «تۇرمەدە ءتيىستى مەديتسينالىق كومەك كورسەتىلمەگەندىكتەن انامنىڭ جاعدايى كۇننەن- كۇنگە ناشارلاپ بارا جاتىر» دەپ مالىمدەگەن 21 جاستاعى يمان كاريموۆا.


Өзбекстанның бұрынÒ

بيىل كوكتەمدە تۇرمەدە وتىرعان گۇلنارا كاريموۆامەن جولىققان ونىڭ شۆەيتساريالىق ادۆوكاتى گرەگۋار مانجا دا يماننىڭ ءسوزىن راستايدى.

«كاريموۆاعا ەم- دوم جاسالمايدى. بىزبەن كەزدەسكەننەن كەيىن ونى تۇرمەنىڭ مەديتسينالىق بلوگىنان شىعارىپ جىبەرگەن. دارىگەرگە دە جولىقتىرماي، وعان ۇنەمى پسيحولوگيالىق قىسىم جاسايدى» دەپ جازادى ادۆوكات ءوزىنىڭ Twitter پاراقشاسىندا.

وتكەن اپتادا وزبەكستان باس پروكۋراتۋراسى گۇلنارا كاريموۆاعا «قىسىم جاسالىپ، مەديتسينالىق كومەك كورسەتىلمەي جاتىر» دەگەن اقپاراتتى جوققا شىعارعان. «دەنساۋلىعى قالىپتى، قاجەتتى مەديتسينالىق ەم- دومنىڭ بارلىعىن جاساۋعا كەپىل بەرەمىز» دەپ مالىمدەگەن پروكۋراتۋرا.

وزبەكستاندا گۇلنارا كاريموۆانىڭ ۇستىنەن ەكى قىلمىستىق ءىس قوزعالعان. تەرگەۋشىلەر «مەملەكەتكە ەكى ميلليارد دوللار زيان كەلگەن» دەيدى.

2015 -جىلى تاشكەنت سوتى گۇلنارا كاريموۆانى سالىقتان جالتارۋ، اقشا جىمقىرۋ جانە بوپسالاۋ قىلمىستارىنا ايىپتى دەپ تانىپ، بەس جىلعا باس بوستاندىعىن شەكتەگەن. كەيىن ونىڭ ۇستىنەن قارجى الاياقتىعىن جاساعان، شەتەل ۆاليۋتاسىن جاسىرعان، كەدەن زاڭىن بۇزعان جانە قىلمىستىق جولمەن تاپقان اقشانى زاڭداستىرعان دەگەن ايىپتار بويىنشا تاعى ءبىر ءىس قوزعاعان.

2017 -جىلى جەلتوقساندا وزبەكستان سوتى گۇلنارا كاريموۆانى 10 جىلعا باس بوستاندىعىنان ايىرعان. 2018 -جىلى جازدا ونىڭ جازاسىن جەڭىلدەتىپ، بەس جىلعا باس بوستاندىعىن شەكتەۋ جازاسىنا اۋىستىرعان. سوت ۇكىمىنە سايكەس، گۇلنارا كاريموۆا قىزى يماننىڭ ۇيىندە وتەۋى ءتيىس بولعان، ونىڭ ۇيدەن شىعۋىنا جانە ينتەرنەت پەن بايلانىس قۇرالدارىن پايدالانۋىنا تىيىم سالعان.

2019 -جىلى ناۋرىزدىڭ باسىندا وزبەكستان باس پروكۋراتۋراسى گۇلنارا كاريموۆانىڭ سوت شەشىمىمەن ءۇيقاماقتان تۇرمەگە اۋىستىرىلعانىن حابارلاعان. بيلىكتىڭ مالىمدەۋىنشە، ءۇيقاماقتا وتىرعان گۇلنارا كاريموۆا «جازا وتەۋ شارتى مەن ءتارتىبىن قاساقانا بۇزعان»: بىرنەشە رەت بايلانىس قۇرالدارىن پايدالانىپ، قىزىنىڭ ۇيىنەن رۇقساتسىز شىعىپ كەتكەن.

2013 -جىلى شۆەتسيالىق باسىلىمدار وزبەكستانعا ينۆەستيتسيا سالۋعا ىقىلاس بىلدىرگەن حالىقارالىق كوممۋنيكاتسيالىق كومپانيالاردىڭ گۇلنارا كاريموۆاعا پارا بەرۋگە ءماجبۇر بولعانى تۋرالى جازعان ەدى. شۋلى ماقالالاردان كەيىن شۆەتسيا، شۆەيساريا، نيدەرلاند، ا ق ش جانە باسقا ەلدەردە تەرگەۋ باستالىپ، ءىرى تەلەكوممۋنيكاتسيالىق كومپانيالاردىڭ ءىس- ارەكەتىن تەكسەرە باستاعان.

موبيلدىك بايلانىس قىزمەتىن كورسەتەتىن ءۇش ءىرى كومپانيا - Telia, Vimpelcom جانە م ت س وزبەكستاننىڭ تەلەكوممۋنيكاتسيالىق نارىعىنا كىرۋ ءۇشىن گۇلنارا كاريموۆاعا بىرنەشە ميلليون پارا بەرگەنىن مويىنداعان. بۇدان كەيىن ا ق ش رەسمي تۇردە كاريموۆانى پارا الدى جانە 865 ميلليون دوللار قارجىنىڭ ءىزىن جاسىردى دەپ ايىپتاعان.

www.azattyq.org


باستى سوزدەر: الةم,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات