جاڭا مينيستر ءبىلىم سالاسىنداعى جەمقورلىقپەن قالاي كۇرەسپەك؟
«جەمقورلىقپەن كۇرەس - الدىمىزدا تۇرعان ەڭ ماڭىزدى ماسەلەنىڭ ءبىرى. ءبىز قازىرگى ۋاقىتتا ءتيىستى جوبالىق كەڭسەنى اشۋ باعىتىندا جۇمىس جۇرگىزىپ جاتىرمىز. سوندا جەمقورلىقتى جويۋ باعىتىنداعى ناقتى شارالاردى قابىلدايمىز. وسى كەڭسەدە مونيتورينگ جاسايتىن توپتاردى قۇرايىق دەگەن جوسپار بار. وسى توپتاردىڭ مۇشەلىگىنە ب ا ق وكىلدەرىن، ازاماتتىق قوعام مۇشەلەرىن تارتامىز»، - دەدى اسحات ايماعامبەتوۆ ۇكىمەتتىڭ باسپا ءسوز ورتالىعىندا.
ءمينيستردىڭ ايتۋىنا قاراعاندا، جەمقورلىقپەن كۇرەس - مينيسترلىك جۇمىسىنىڭ باسىم باعىتتارىنىڭ ءبىرى.
«مەن جاڭا مينيستر رەتىندە جەمقورلىقپەن كۇرەستىڭ اسا ماڭىزدى پروبلەما ەكەنىن تۇسىنەمىن. قازىرگى ۋاقىتتا جەمقورلىقپەن كۇرەس ستراتەگياسىن قايتا قاراپ جاتىرمىز. ۇستاپ العاننان كەيىنگى اڭگىمە باسقا. ماسەلە مۇندا بەلگىلى ءبىر قۇقىقتىق كەمشىلىكتەرگە بايلانىستى. ول كەمشىلىكتەر كوپ جاعدايدا جەمقورلىققا قاتىستى زاڭ بۇزۋشىلىقتارعا سەبەپ بولىپ جاتادى»، - دەدى اسحات ايماعامبەتوۆ.
ەسكە سالا كەتسەك، بۇگىنگى ۇكىمەت وتىرىسىندا اسحات ايماعامبەتوۆ انت بەرگەن بولاتىن.