زەينەتاقى قورىندا قانشا اقشا جينالعانىن قالاي بىلۋگە بولادى

الماتى. قازاقپارات - «ءبىرىڭعاي جيناقتاۋشى زەينەتاقى قورى» ا ق زەينەتاقى شوتىنان ءۇزىندى كوشىرمە الۋدىڭ بىرنەشە ءتاسىلى بارىن ەسكە سالدى، دەپ حابارلايدى قازاقپارات ءتىلشىسى.

سالىمشىلار بۇل اقپاراتتى تۇرعىلىقتى جەرى بويىنشا پوشتاعا نەمەسە ەلەكتروندىق ءتاسىل ارقىلى الا الادى.

ەلەكتروندىق ءتاسىلدىڭ بىرنەشە نۇسقاسى بار:

- ب ج ز ق- عا ۇسىنىلعان ەلەكتروندىق پوشتا ارقىلى. بۇل جاعدايدا سالىمشى (الۋشى) زەينەتاقى شوتى بويىنشا ءۇزىندى كوشىرمەنى ەلەكتروندىق پوشتا ارقىلى ءوزى تاڭداعان كەستە بويىنشا: اي سايىن، ءۇش اي سايىن، التى اي سايىن نەمەسە جىل سايىن الادى؛

- ەلەكتروندىق سيفرلىق قولتاڭبا نەمەسە لوگين مەن قۇپياءسوزدى قولدانا وتىرىپ، قور سايتىنداعى «جەكە كابينەت» ارقىلى الۋ؛

- ەلەكتروندىق سيفرلىق قولتاڭبانىڭ كومەگىمەن ەلەكتروندىق ۇكىمەت پورتالىنداعى «جەكە كابينەت» ارقىلى الۋ. بۇل رەتتە ءبىر رەتتىك sms- پارولدى دە پايدالانۋعا بولادى. ول ءۇشىن سالىمشى (الۋشى) ەلەكتروندىق ۇكىمەت پورتالىنىڭ «جەكە كابينەتىندە» تىركەلىپ، ءۇزىندى كوشىرمە الۋعا ساۋال جولدايدى. سوندا ونىڭ ۇيالى تەلەفونىنا بىررەتتىك sms-پارول جىبەرىلەدى.

Еgov.kz پورتالى ارقىلى مالىمەتتەر الۋ ءۇشىن سالىمشىلار وسى سايتتىڭ «ازاماتتار» ساناتىنا كىرىپ، «الەۋمەتتىك قامتاماسىز ەتۋ» ايدارىن تاڭدايدى. ودان ءارى «زەينەتاقىمەن قامتاماسىز ەتۋ» بولىمىندە قاجەتتى اقپاراتتى الۋعا قول جەتكىزەدى.

سالىمشىعا اقپارات جىبەرۋدىڭ ءتاسىلى ب ج ز ق بازاسىندا كورسەتىلمەگەن جاعدايدا، ازامات ءۇزىندى كوشىرمەنى قور كەڭسەسىنە كەلىپ قانا الا الادى. اقپارات الۋ ءتاسىلىن تاڭداۋ ءۇشىن جەكە باسىن كۋالاندىراتىن قۇجات بولۋى شارت. مۇندا قور ماماندارى ج س ن مەن قۇپيا ءسوزدىڭ كومەگىمەن enpf.kz سايتىنداعى «جەكە كابينەتكە» تىركەلۋگە كومەكتەسەدى.

ەگەر ەلەكتروندىق سيفرلىق قولتاڭبانىڭ (ЭЦҚ) كىلتى بولسا، قور كەڭسەسىنە كەلمەي- اق، جەكە كابينەتتە زەينەتاقى شوتىنان اقپارات الۋ ءتاسىلىن تاڭداۋعا جانە وزگەرتۋگە بولادى. سونداي- اق قور سايتىنىڭ «جەكە كابينەتىندە» زەينەتاقى جيناعى مەن ەسەپتەلگەن ينۆەستيتسيالىق تابىستار كولەمىن جانە زەينەتكەرلىك جاسقا تولۋعا قانشا ۋاقىت قالعانىن بىلۋگە بولادى.

ЭЦҚ جانە ج س ن مەن قۇپيا ءسوزدى قالتا تەلەفونىنداعى ENPF ۇيالى قوسىمشاسىنا كىرۋ ءۇشىن دە قولدانۋعا بولادى. قوسىمشانى Android جانە IOS بازاسىندا جۇمىس ىستەيتىن كەز كەلگەن سمارتفون مەن پلانشەتكە تەگىن جۇكتەۋگە بولادى. ول قازاق جانە ورىس تىلدەرىندە جۇمىس ىستەيدى.

اۆتور: گۇلميرا عوسمانالي