قىتايدان ەلگە زاڭسىز كىرگىزبەك بولعان ءىرى كولەمدەگى ۇيالى تەلەفون تاركىلەندى
«2019-جىلدىڭ 15-ماۋسىمىندا كەزەكتى كەدەندىك تەكسەرۋ بارىسىندا الماتى وبلىسى بويىنشا م ك د «التىنكول» كەدەن بەكەتىنىڭ قورعاس «ش ى ح و» ب ءو پ قىزمەتكەرلەرى مەن ق ر ۇ ق ك ش ق قىزمەتكەرلەرىمەن بىرلەسىپ قىتاي حالىق رەسپۋبليكاسىنان دەكلاراتسيا جاساماي قازاقستانعا كىرگىزبەك بولعان ءىرى كولەمدەگى ۇيالى تەلەفوندار تاركىلەندى»، - دەلىنگەن حابارلامادا.
كوميتەتتىڭ حابارلاۋىنشا، تەكسەرۋ بارىسىندا كەدەن ءتارتىبىن بۇزعان قازاقستان ازاماتىنىڭ قول جۇگىنىڭ ىشىنەن 246 دانا، جالپى سالماعى 19 كەلى «Samsung» SCH- U365 ماركالى ۇيالى تەلەفوندار شىققان.
«تاركىلەنگەن ۇيالى تەلەفوندارىڭ كەدەندىك قۇنى 3420445 تەڭگەنى قۇرايدى. بارلىق تاۋار ۋاقىتشا ساقتاۋ قويماسىنا ورنالاستىرىلدى. بۇگىنگى كۇنى كىنالى تۇلعالاردى ق ر زاڭناماسىنا سايكەس جاۋاپكەرشىلىككە تارتۋ ماسەلەسى قاراستىرىلۋدا»، - دەپ مالىمدەيدى اتالعان مەكەمەنىڭ باسپا ءسوز قىزمەتى.