ۇشاقتا نەگە سمارتفون قولدانۋعا بولمايدى؟

None
None
 نۇر- سۇلتان. قازاقپارات - ۇشاققا مىنگەندە، "ۇيالى تەلەفوندارىڭىزدى ءوشىرۋدى نەمەسە اۆيارەجيمگە قويۋلارىڭىزدى وتىنەمىز" دەگەن ەسكەرتۋ جاسالادى.

 اۆيارەجيم نە ءۇشىن كەرەك نەمەسە ۇشاقتا نەگە سمارتفون قولدانۋعا بولمايدى؟ اۆيارەجيم نە ءۇشىن كەرەك؟ اۆيارەجيمدەگى سمارتفون GSM، Wi-Fi, Bluetooth ارقىلى اقپارات تاراتۋدى، قانداي دا ءبىر بايلانىستى توقتاتادى. ياعني قۇرىلعى راديوقابىلداعىش قابىلەتى وشەدى. اۆيارەجيم مەن وشىرىلگەن سمارتفوننىڭ اراسىندا ايىرماشىلىق جوق. تەك بايلانىستان وزگە فۋنكتسيالارى پايدالانىمىن دەيتىن قولدانۋشىلار ءۇشىن سمارتفون جاساۋشىلار ارنايى اۆيارەجيم فۋنكتسياسىن ەنگىزگەن. سمارتفون نەمەسە وزگە دە بايلانىس قۇرالدارىن ۇشاق كوتەرىلگەندە جانە قونعان كەزدە ءوشىرىلۋى ءتيىس. ايتپەگەندە اەروناۆيگاتسيالىق قۇرىلعىلاردىڭ جۇمىسىنا كەدەرگى كەلتىرىپ، جەردەگى باقىلاۋ ورتالىقتارىنىڭ رەيستەردى قاداعالاۋى قيىنداۋى مۇمكىن. "سمارتفوندى وشىرمەي- اق قويايىن، مەن ونى قولدانىپ جاتقان جوقپىن عوي؟!" سمارتفوندى قولدانباسا دا ول جەلى جۇيەسىن ىزدەي بەرەدى.

ونىڭ تىنىمسىز جيىلىگى اەروناۆيگاتسيا جيىلىگىمەن شاعىلۋى مۇمكىن. سمارتفوننىڭ جيىلىگى ءبىز ويلاعاننان دا قۋاتتى ءارى قابىلەتتى. سوندىقتان پيلوت ديسپەتچەر كومانداسىن ەستىمەي قالۋى ىقتيمال. ۇشاقتا تەك سمارتفوندى ەمەس، نوۋتبۋك، ەلەكتروندى كىتاپ، پلەەر، ويىن كونسولدارىن دا ءوشىرۋ كەرەك.

Massaget.kz

سوڭعى جاڭالىقتار