قاسىم-جومارت توقايەۆ ۇكىمەتتىڭ جاڭارعان الەۋمەتتىك ساياساتى بويىنشا شۇعىل شارالار ازىرلەۋدى تاپسىردى

نۇر-سۇلتان. قازاقپارات - قازاقستان پرەزيدەنتى قاسىم-جومارت توقايەۆ پرەمەر-مينيستر اسقار ماميندى قابىلدادى، دەپ حابارلايدى اقوردا.

مەملەكەت باسشىسىنا ۇكىمەتتىڭ الەۋمەتتىك ماسەلەلەردى شەشۋ بويىنشا قابىلداعان شارالارى جانە بۇرىنىراق بەرىلگەن تاپسىرمالاردىڭ ورىندالۋ بارىسى باياندالدى.

قازاقستان پرەزيدەنتى پرەمەر- مينيسترگە شۇعىل تۇردە ۇكىمەتتىڭ جاڭارعان الەۋمەتتىك ساياساتى بويىنشا شارالار ازىرلەۋدى تاپسىردى.

«بۇل ساياسات حالىقتىڭ ءومىر ءسۇرۋ دەڭگەيىن ارتتىرۋ تۇرعىسىنان ءتيىمدى بولۋى كەرەك. سوندىقتان، ول ناقتى مۇقتاج جاندارعا عانا باعىتتالۋى شارت»، - دەدى قاسىم-جومارت توقايەۆ.

كەزدەسۋ سوڭىندا مەملەكەت باسشىسى ءبىرقاتار ناقتى تاپسىرما بەردى.