ءوزىڭىزدى ءوزىڭىز شەكتەمەڭىز
كەيدە تاڭ اتقانشا كىتاپتان باس كوتەرمەي، ءتۇندى ۇيقىسىز وتكىزەتىن جوردج بىردە پروفەسسور نەيماننىڭ دارىسىنە 20 مينۋتكە كەشىگىپ كەلەدى. تاقتاداعى ەكى ەسەپتى ءۇي تاپسىرماسى دەپ توپشىلاعان ستۋدەنت ونى بىردەن داپتەرىنە كوشىرىپ الادى. تاپسىرما وڭايعا سوقپادى، دەگەنمەن جوردج ونى بىرنەشە كۇن بويى شىعارىپ، پروفەسسورعا الىپ كەلەدى. ۇستازى ەسەپ شەشۋىن سامارقاۋ قابىلداپ الادى.
الايدا بىرنەشە اپتا وتكەن سوڭ، تاڭ اتا بەرە پروفەسسوردىڭ ءوزى جوردجتى ۇيىنە ىزدەپ كەلەدى. سويتسە، كەشىگىپ جەتكەن ستۋدەنت بۇل «ءۇي جۇمىسىنىڭ» عاسىرلار بويى الەم ماتەماتيكتەرى باس قاتىرىپ كەلە جاتقان ەسەپ ەكەنىن بىلمەگەن ەكەن. وسىلايشا ستۋدەنت ەينشتەيننىڭ ءوزى شىعارا الماعان ءبىر ەمەس، ەكى ەسەپتىڭ شەشىمىن تاپقان.
جوردج دانسيگكە بۇل شەشىلمەس ەسەپتىڭ «داڭقى» توسقاۋىل بولا المادى، سەبەبى ول ونىڭ شەشىلمەيتىنىن بىلگەن جوق.