جانۋارلاردى اداممەن «تەڭەستىرەتىن» زاڭ قابىلداندى

None
None
نۇر-سۇلتان. قازاقپارات - جاڭا زەلانديادا ادام كەسىرىنەن قۇرىپ بارا جاتقان جانۋارلاردىڭ پوپۋلياتسياسىن ساقتاپ قالۋ ءۇشىن حايۋانداردى ادامعا ءتان سانالى تىرشىلىك يەسى ساناتىنا جاتقىزاتىن زاڭ قابىلداندى.

ياعني، جاڭا زەلانديا بيلىگى جانۋارلاردىڭ قۇقىعىن قورعاۋ ماقساتىندا - قوعامدىق ساناعا اسەر ەتۋ ءۇشىن وسىنداي قادامعا باردى. (Animal Welfare Bill) جانۋارلاردى قورعاۋ ۇيىمىنىڭ پايداسىنا قابىلدانعان زاڭ جوباسىندا جانۋارلارعا قاتىگەزدىك جاساعاندار مەن تاجىريبە جۇرگىزگەندەر جاۋاپكەرشىلىككە تارتىلىپ، جازاعا تارتىلادى. سونداي-اق، كەز كەلگەن جابايى اڭدى اۋلاۋ زاڭسىزدىققا جاتادى.

«جانۋارلاردى اقىلدى دەپ تانۋ - ولاردىڭ دا جاعىمدى نەمەسە جاعىمسىز ەموتسيانى باستان كەشىرەتىنىن، سونىڭ ىشىندە، اۋرۋ مەن ازاپتى سەزىنەتىنىن مويىنداۋ بولىپ تابىلادى»، - دەدى جانۋارلار ەتيكاسى جونىندەگى ۇلتتىق كەڭەس كوميتەتىنىڭ جەتەكشىسى ۆيردجينيا ۋيليامس.

وسىلاي دەگەن ول اتالمىش زاڭنىڭ قابىلدانۋىن جانۋارلاردى قورعاۋ باعىتىنداعى جاسالعان ماڭىزدى قادامداردىڭ بىرىنە جاتقىزاتىنىن جەتكىزدى. «زاڭ جوباسى قوعامداعى جانۋارلاردىڭ مارتەبەسىنە قاتىستى وزگەرىستەردى زاڭعا سايكەستەندىرەدى»، - دەدى وسى ماسەلەگە قاتىستى ويىن جەتكىزگەن جاڭا زەلانديانىڭ ۆەتەرينارلىق قاۋىمداستىعىنىڭ پرەزيدەنتى ستيۆ مەرچانت.

سوڭعى جاڭالىقتار