اقتوتى رايىمقۇلوۆا مادەنيەت جانە سپورت ءمينيسترى بولىپ تاعايىندالدى

نۇر- سۇلتان. قازاقپارات - ق ر پرەزيدەنتى قاسىم- جومارت توقايەۆ ەلىمىزدىڭ مادەنيەت جانە سپورت ءمينيسترى لاۋازىمىنا اقتوتى رايىمقۇلوۆانى تاعايىندادى، دەپ حابارلايدى قازاقپارات اقورداعا سىلتەمە جاساپ.

«اقتوتى راحماتوللا قىزى رايىمقۇلوۆا قازاقستان رەسپۋبليكاسىنىڭ مادەنيەت جانە سپورت ءمينيسترى بولىپ تاعايىندالسىن» ، - دەلىنگەن مەملەكەت باسشىسىنىڭ جارلىعىندا.

اقتوتى راحمەتوللا قىزى قۇرمانعازى اتىنداعى الماتى مەملەكەتتىك كونسەرۆاتورياسىنىڭ كومپوزيتسيا جانە فورتەپيانو ماماندىقتارى بويىنشا تۇلەگى. كوپتەگەن مۋزىكالىق تۋىندىلاردىڭ اۆتورى، ولاردىڭ ىشىندە «ەل باقىتى» ، «Apple of Peace» ، «كوكجال» كانتاتىسى، «تولعاۋ» ، «دالا سىرى» جانە «ءجاميليا» ، سيمفونيالىق پوەمالارىنىڭ، «اسپان كوشى» ەكى اكتىلى بالەتى، «الاتاۋ» پەساسى، «سوڭعى سەزىم» ، «تۇزدى ءشول» ، «اباي» ، «ەڭلىك- كەبەك» ، «ابىلايحان» ، «ەستايدىڭ قورلانى» ، «گاملەت» ، «قورقىتتىڭ كورى» ، «سىعان سەرەناداسى» سەكىلدى سپەكتاكلدەرگە مۋزىكالىق تۋىندىلاردىڭ، فيلمدەر مەن سەريالدارعا ساۋندترەكتەردىڭ اۆتورى. ءتۇرلى جىلدارى قۇرمانعازى اتىنداعى الماتى مەملەكەتتىك كونسەرۆاتورياسىنىڭ كونتسەرتمەيستەرى جانە وقىتۋشىسى، قازاق مەملەكەتتىك قىزدار پەداگوگيگالىق ينستيتۋتىنىڭ وقىتۋشىسى بولىپ قىزمەت ەتتى. ق ر مادەنيەت مينيسترلىگىنىڭ مادەنيەت جانە ونەر ىستەرى كوميتەتىنىڭ ءتورايىمى بولدى. 2014 -جىلدان باستاپ ق ر مادەنيەت جانە سپورت مينيسترلىگىنىڭ مادەنيەت جانە ونەر ىستەرى دەپارتامەنتىنىڭ ديرەكتورى قىزمەتىن اتقاردى. جاڭا قىزمەتكە تاعايىندالعانعا دەيىن ق ر مادەنيەت جانە سپورت ۆيتسە- ءمينيسترى لاۋازىمىندا بولدى.